اتالعان تەاتر ساحناسىندا اتاقتى ونەر قايراتكەرلەرى باس قوسىپ, اڭىزعا اينالعان ءانشى بيبىگۇل تولەگەنوۆانى مەرەيتويىمەن قۇتتىقتادى, دەپ حابارلايدى Egemen.kz مادەنيەت جانە اقپارات مينيسترلىگىنە سىلتەمە جاساپ
اتالعان مينيسترلىكتىڭ قولداۋىمەن كونتسەرت ۇيىمداستىرىلىپ, وعان شاحيماردان ءابىلوۆ, ايگۇل ۇلكەنباەۆا, الفيا كاريموۆا, زارينا التىنباەۆا, تولقىن زابيروۆا, سامال بايسەيىتوۆا, ايزادا وماروۆا نۇرعالىم امانباي سىندى كوپتەگەن تانىمال ارتىستەر قاتىستى.
كەش احمەت جۇبانوۆ پەن لاتيف ءحاميديدىڭ «اباي» وپەراسىنان «تويباستار» جارقىن كورىنىسىمەن باستالدى. ب.تولەگەنوۆا بايقاۋىنىڭ لاۋرەاتتارى راسۋل جارماعامبەتوۆ پەن تاتيانا ۆيتسينسكايا, «استانا وپەرا» حورى, وركەسترى مەن بالەت ترۋپپاسى ديريجەر, «قۇرمەت» وردەنىنىڭ كاۆالەرى رۋسلان ءبايمۋرزيننىڭ جەتەكشىلىگىمەن بۇكىل كونتسەرتكە مەرەكەلىك شىراي قوستى.
سونداي-اق قازاقستاننىڭ ەڭبەك سىڭىرگەن قايراتكەرى نۇرلان ونەرباەۆتىڭ مانەرلەپ وقۋىنداعى فاريزا وڭعارسىنوۆانىڭ «بيبىگۇل – ءان» ولەڭى كەشتىڭ كوركىنە اينالدى. مەرەيتوي يەسىنىڭ شاكىرتى, قازاقستاننىڭ ەڭبەك سىڭىرگەن قايراتكەرى تولقىن زابيروۆانىڭ ورىنداۋىنداعى لاتيف ءحاميديدىڭ «بۇلبۇل» ايگىلى ءانى بارشا حالىقتىڭ سۇيىسپەنشىلىگى رەتىندە قابىلداندى. بۇل ءان ب.تولەگەنوۆا شىعارماشىلىعىندا الدەقاشان بەيرەسمي سيمۆولعا اينالعان ەدى.
«اتا تولعاۋى» قازاق ءبيىن ورىنداعان «استانا بالەت» ترۋپپاسى ەرەكشە سىي-سياپات جاسادى. كورەرمەندەر «Forte Trio» اسپاپتىق ءانسامبلىنىڭ ورىنداۋىنداعى قازاق اندەرىنەن ءپوپۋرريدى دە ىقىلاسپەن قابىلدادى.
بيبىگۇل تولەگەنوۆانىڭ سىڭىرگەن ەڭبەگى مەن شەبەرلىگىنە دەگەن قۇرمەتتىڭ بەلگىسى رەتىندە وعان قر پرەزيدەنتى قاسىم-جومارت كەمەل ۇلى توقاەۆتىڭ اتىنان گۇل شوقتارى تابىس ەتىلدى.