بۇگىن فۋتبولدان قازاقستان ۇلتتىق قۇراماسى نورۆەگيامەن وينايدى. ۇلتتار ليگاسىنىڭ سوڭعى تۋرىنداعى بۇل ويىن وسلودا وتەدى, دەپ حابارلايدى Egemen.kz.
ويىن قازاقستانداعى ۋاقىتپەن ساعات 22:00-دە باستالادى. تىكەلەي ەفيردە QazSport ارناسى كورسەتىلىم تاراتادى.
نورۆەگيا ويىنداعى ايقىن فاۆوريت سانالىپ وتىر. قىركۇيەك ايىندا الماتىدا وتكەن ويىندا ەكى قۇراما 0:0 ەسەبىمەن تەڭ تارقاسقان ەدى.
ۇلتتار ليگاسىنىڭ ۆ ديۆيزيونىنداعى 3-توپتا قازاقستان 5 ويىننان 1 ۇپاي عانا جينادى. ال 10 ۇپاي جيناعان نورۆەگيا مەن اۋستريا قۇرامالارى ءبىرىنشى ورىنعا تالاسىپ تۇر. سلوۆەنيادا 7 ۇپاي بار.
ستانيسلاۆ چەرچەسوۆ جاتتىقتىراتىن قازاقستان قۇراماسى ۇلتتار ليگاسىندا ءالى بىردە-ءبىر گول سوققان جوق.