استانا قالاسىنداعى جەكە تۇرعىن ۇيدەن ءورت شىعىپ, ءتورت بالا قازا تاپتى. جالىن ءسوندىرىلدى. بۇل تۋرالى قالالىق توتەنشە جاعدايلار دەپارتامەنتىنىڭ ءباسپاسوز قىزمەتى حابارلادى, دەپ جازادى Egemen.kz.
«بۇگىن تاڭەرتەڭ استانادا ەكى قاباتتى جەكە تۇرعىن ۇيدە شاتىر جارتىلاي قۇلاپ, ءورت بولدى. قۇتقارۋشىلار حابارلاما كەلىپ تۇسكەننەن كەيىن وقيعا ورنىنا 6 مينۋتتا جەتتى. الاۋ الدىن الا 500 شارشى مەتر الاڭدا وقشاۋلانىپ, تولىعىمەن ءسوندىرىلدى. ءورت سالدارىنان 2011, 2015, 2021 جانە 2022 جىلى تۋعان ءتورت بالا قازا تاپتى», دەلىنگەن حابارلامادا.
قازىر ءورتتىڭ سەبەبى انىقتالۋدا. سوت-مەديتسينالىق ساراپتاما تاعايىندالدى.
«وقيعا ورنىندا ءورت زەرتتەۋ زەرتحاناسى جۇمىس ىستەۋدە, قازا تاپقانداردىڭ جاقىندارىنا اپاتتار مەديتسيناسى ورتالىعىنىڭ جانە استانا قالاسى تجد پسيحولوگتارى كومەك كورسەتىپ جاتىر», دەدى توتەنشە جاعدايلار دەپارتامەنتى وكىلدەرى.