«براكونەر» جەدەل-پروفيلاكتيكالىق ءىس-شاراسى بارىسىندا پوليتسەيلەر وسكەمەن – سامار تاسجولىندا اۆتوكولىكتى توقتاتىپ, سالونىنان ءتيىستى قۇجاتتارسىز تاسىمالدانعان كول شاياندارى سالىنعان 16 قاپتى تاپقان.
اتالعان فاكتى بويىنشا قىلمىستىق ءىس قوزعالدى. ساراپتاما تاعايىندالىپ, بارلىق قاجەتتى تەرگەۋ ارەكەتتەرى جۇرگىزىلىپ جاتىر.
كۇدىكتىنىڭ وسكەمەنگە جەتكىزىپ, ساتۋ ءۇشىن بەلگىسىز ادامداردان 240 كيلوگراممنان استام شاياندى ساتىپ العانى بەلگىلى بولدى.
الدىن الا مالىمەتتەر بويىنشا, زاڭسىز ارەكەت سالدارىنان كەلتىرىلگەن زالال 1,6 ميلليون تەڭگەنى قۇراعان. شقو پوليتسيا دەپارتامەنتى «براكونەر» جەدەل-پروفيلاكتيكالىق ءىس-شاراسى ءوڭىردىڭ ەكولوگيالىق تەڭگەرىمىن قورعاۋعا جانە ونىڭ تابيعي مۇراسىن بولاشاق ۇرپاق ءۇشىن ساقتاۋعا باعىتتالعانىن ەسكەرتەدى.