سولتۇستىك قازاقستان وبلىسىندا جەڭىل كولىك ۇيىندىگە سوعىلىپ, ءۇش ايلىق بالا قازا تاپتى, دەپ حابارلايدى Egemen.kz.
جول اپاتى سولتۇستىك قازاقستان وبلىسىنىڭ شال اقىن اۋدانىندا جەرگىلىكتى ماڭىزى بار تاس جولدىڭ اراي اۋىلىنىڭ ماڭىندا بولعان. سالدارىنان ءبىر ادام قازا تاۋىپ, ءۇش ادام ءتۇرلى دەنە جاراقاتتارىن العان.
«40 جاستاعى ۆاز-2107 اۆتوكولىگىنىڭ جۇرگىزۋشىسى ءرۋلدى باسقارا الماي, ۇيىلگەن ۇيىندىگە سوعىلعان. مەديتسينالىق مەكەمەگە بارار جولدا بولعان جول-كولىك وقيعاسى سالدارىنان 2024 جىلى تۋعان ءسابي العان جاراقاتتارىنان قايتىس بولدى. جۇرگىزۋشى مەن تاعى ەكى جولاۋشى ورتالىق اۋداندىق اۋرۋحاناعا جاتقىزىلدى», دەپ حابارلادى وبلىستىق پوليتسيا دەپارتامەنتىنىڭ ءباسپاسوز قىزمەتى.
پوليتسيانىڭ جول-كولىك وقيعاسى فاكتىسى بويىنشا قاجەتتى ساراپتامالار مەن سوتقا دەيىنگى ءىس جۇرگىزۋ ۇشىن قاجەتتى ماتەريالداردى جيناپ جاتقاندىعى حابارلاندى.