ماسكەۋ قالاسىندا تاۋەلسىز مەملەكەتتەر دوستاستىعىنا مۇشە مەملەكەتتەردىڭ قاۋىپسىزدىك كەڭەستەرى حاتشىلارىنىڭ XII كەزدەسۋى ءوتتى. جيىنعا قازاقستان رەسپۋبليكاسى قاۋىپسىزدىك كەڭەسىنىڭ حاتشىسى عيزات نۇرداۋلەتوۆ قاتىستى.
تاراپتار دوستاستىق كەڭىستىگىندەگى قاۋىپسىزدىكتى قامتاماسىز ەتۋ, اتاپ ايتقاندا, قازىرگى جاعدايداعى حالىقارالىق قاۋىپسىزدىكتىڭ سىن-قاتەرلەرى مەن تاۋەكەلدەرى, تمد-عا مۇشە مەملەكەتتەردىڭ اقپاراتتىق قاۋىپسىزدىكتى قامتاماسىز ەتۋ سالالارىنداعى ىنتىماقتاستىعىنىڭ نەگىزگى باعىتتارى, سونداي-اق اۋعانستان بويىنشا ءوزارا ءىس-قيمىل ماسەلەلەرى جونىندە پىكىر الماستى.
قاۋىپسىزدىك كەڭەسىنىڭ حاتشىسى ارىپتەستەرىنە وڭىرلىك قاۋىپسىزدىكتىڭ نەگىزگى باعىتتارىنا قاتىستى ەلىمىزدىڭ ۇستانىمىن حاباردار ەتتى جانە ۇلتتىق مۇددەنى ەسكەرە وتىرىپ, ءوزارا ىقپالداستىقتى دامىتۋ تۋرالى بىرقاتار ۇسىنىسىن جەتكىزدى.