وبلىستىق توتەنشە جاعدايلار دەپارتامەنتىنىڭ مالىمەتىنشە, بۇگىن 15 عيمارات, ونىڭ ىشىندە اۋرۋحانالار, مەكتەپتەر, جەكە جانە كوپقاباتتى ۇيلەر, سونداي-اق مەشىت پەن اۋىل اكىمدىگى شاتىرسىز قالعان, دەپ حابارلايدى Egemen.kz.
قۇتقارۋشىلار بۇگىن وبلىستا جەلدىڭ ەكپىنى سەكۋندىنا 28 مەترگە جەتكەنىن اتاپ ءوتتى.
پاۆلوداردا قاتتى جەلدەن تورگوۆايا كوشەسىندەگى قويما عيماراتى مەن قالا ىرگەسىندەگى جاڭااۋىل اۋىلىنداعى جەكە تۇرعىن ءۇيدىڭ شاتىرى ۇشىپ كەتكەن.
«ەكىباستۇز قالاسى مەن ونىڭ اۋىلدىق ايماعىندا 4 فاكتى تىركەلدى: شىدەرتىدە كوپقاباتتى تۇرعىن ءۇيدىڭ 30 شارشى مەتر شاتىرىنىڭ, سونىمەن قاتار شىدەرتى ورتا مەكتەبىنىڭ 5 شارشى مەتر قاتتى شاتىرىنىڭ جارتىلاي قيراۋى; قۇلاكول اۋىلىنداعى جەكە تۇرعىن ءۇيدىڭ 6 شارشى مەتر شاتىرىن ج ۇلىپ اكەتكەن. سونداي-اق قاتتى جەلدىڭ سالدارىنان اتىنداعى ق.ساتباەۆ اۋىلىنداعى شيكىلداق كەنتىندەگى مەكتەپتىڭ 40 شارشى مەتر اۋماقتا جىلۋ قازاندىعىنىڭ شاتىرى», دەپ حابارلادى پاۆلودار وبلىسىنىڭ توتەنشە جاعدايلار دەپارتامەنتى.
سونداي-اق اقسۋ قالاسىندا عيماراتتاردىڭ زاقىمدانۋى بويىنشا 4 وقيعا تىركەلگەن. قالالىق №2 جاسوسپىرىمدەر سپورت مەكتەبىندە 160 شارشى مەتر اۋماقتىڭ شاتىرى ج ۇلىنىپ, ترانسفورماتورلىق قوسالقى ستانسا شاتىرسىز قالعان.
«اقتوعاي, باياناۋىل, ماي, ەرتىس, شارباقتى, ۋسپەن اۋداندارىندا, سونداي-اق اقۋلى اۋدانى مەن اقسۋ قالاسىندا 28 رەت ەلەكتر ەنەرگياسى ءۇزىلدى», دەپ حابارلادى وبلىستىڭ توتەنشە جاعدايلار دەپارتامەنتى.