سەناتتا سوت جۇيەسىن رەفورمالاۋ تۋرالى زاڭ ماقۇلداندى

جوعارعى سوتتىڭ ءباسپاسوز قىزمەتى ءمالىم ەتكەندەي, 2025 جىلدىڭ 1 شىلدەسىنەن باستاپ ازاماتتىق جانە قىلمىستىق ىستەر بويىنشا دەربەس كاسساتسيا ەنگىزىلەدى.

كاسساتسيالىق ساتىدا الدىن الا قاراۋ كەزەڭى الىنىپ تاستالادى.

ازاماتتار سوت اكتىلەرىن قايتا قاراۋ تۋرالى ءوتىنىشحات ەمەس, كاسساتسيالىق شاعىم بەرەدى.

سوت ءىسىن جۇرگىزۋدىڭ بارلىق تۇرلەرىنە كاسساتسيالىق قاداعالاۋدىڭ بىرىڭعاي ەرەجەلەرى ەنگىزىلىپ جاتىر.

اكىمشىلىك ىستەرگە ۇقساس, قىلمىستىق جانە ازاماتتىق ىستەردى كاسساتسيالىق ساتىدا قاراۋ مەرزىمى قيسىندى مەرزىمدە, بىراق 6 ايدان اسپايتىن مەرزىمدە جۇزەگە اسىرىلادى.

كاسساتسيالىق ساتىعا قولجەتىمدىلىكتى كەڭەيتۋ ءۇشىن 2027 جىلعى 1 شىلدەدەن باستاپ, م ۇلىكتىك مۇددەلەرىنە بايلانىستى داۋلار بويىنشا جەكە تۇلعالاردىڭ تالاپ قويۋ سوماسى 2 مىڭ اەك-تەن تومەن جانە زاڭدى تۇلعالاردىڭ تالاپ قويۋ سوماسى 30 مىڭ اەك-تەن تومەن, سونداي-اق قىلمىستىق قۇقىق بۇزۋشىلىقتار جانە ۇساق قىلمىستار بويىنشا شەكتەۋلەر الىنىپ تاستالادى.

اكىمشىلىك ىستەر بويىنشا سوت اكتىلەرى اپەللياتسيالىق شاعىمدانعاننان كەيىن زاڭدى كۇشىنە ەنەدى.

ازاماتتىق ىستەرگە ۇقساس, 2025 جىلدىڭ 1 ناۋرىزىنان باستاپ جاۋاپكەر اكىمشىلىك ورگان بولىپ تابىلاتىن تالاپ قويۋشىنىڭ تاڭداۋىنا سايكەس اكىمشىلىك ىستەر بويىنشا ەكساۋماقتىق سوتتىلىق ەنگىزىلەدى. بۇل مەملەكەتتىك ورگانداردىڭ قىزمەتىنە دە ءتيىمدى اسەر ەتەدى.

دەربەس كاسساتسيالىق سوتتاردىڭ قۇرىلۋىنا بايلانىستى جوعارعى سوتتىڭ ءرولى وزگەرەدى.

ونىڭ نەگىزگى ماقساتى سوت پراكتيكاسىن جانە سوت تورەلىگىن جۇزەگە اسىرۋدا زاڭدىلىقتى ساقتاۋ ماسەلەلەرىن زەردەلەۋ ءارى قورىتۋ بولماق.

سەنات وتىرىسىنان كەيىن جوعارعى سوتتىڭ ازاماتتىق ىستەر جونىندەگى سوت القاسىنىڭ توراعاسى نۇرسەرىك ءشارىپوۆ جۋرناليستەردىڭ سۇراقتارىنا جاۋاپ بەردى.