اقتوبە ءوبلىسىندا داستۇرلى رۋحاني-ادامگەرشىلىك قۇندىلىقتاردى قالىپتاستىرۋ جانە ءدىني ەكسترەميزمنىڭ الدىن الۋ باعىتىندا سەمينارلار مەن ءارتۇرلى فورماتتاعى ءىس-شارالار ءوتتى, دەپ حابارلايدى Egemen.kz.
قر مادەنيەت جانە اقپارات مينيسترلىگى ءدىن ىستەرى كوميتەتىنىڭ ارنايى جوباسى اياسىندا, اقتوبە وبلىسىندا ءدىن ىستەرى باسقارماسىنىڭ قولداۋىمەن, بەكىتىلگەن جوسپار بويىنشا, 2024 جىلدىڭ 28 قازان – 1 قاراشا ارالىعىندا ءدىن ماسەلەلەرى بويىنشا رەسپۋبليكالىق اقپاراتتىق-ءتۇسىندىرۋ توبىنىڭ (بۇدان ءارى – راتت) مۇشەلەرى قوعامدا ءداستۇرلى رۋحاني-ادامگەرشىلىك قۇندىلىقتاردى قالىپتاستىرۋ جانە ءدىني ەكسترەميزمنىڭ الدىن الۋ باعىتىندا سەمينارلار مەن ءارتۇرلى فورماتتاعى ءىس-شارالار وتكىزدى.
بۇل ءىس-شارالارعا راتت مۇشەلەرى (تەولوگتار, ءدىنتانۋشىلار) قاتىستى: قوجاحمەتوۆا تالشىن زارقىمقىزى – استانا قالاسى, جشس ء«دىن ماسەلەلەرىن زەرتتەۋ ورتالىعىنىڭ» تەولوگ مامانى; مالعاراەۆا زاۋرە بورانقۇلقىزى – «كونفەسسياارالىق جانە وركەنيەتارالىق ديالوگتى دامىتۋ جونىندەگى ن.نازارباەۆ ورتالىعى» كەاق ءدىني احۋالدى تالداۋ جانە مونيتورينگ دەپارتامەنتىنىڭ ديرەكتورى; بيسەمباەۆا روزا باقىتقىزى – اقتوبە وبلىسى, «يحسان» ورتالىعى قب يسلامتانۋشىسى, تەولوگ مامانى; شامشادينوۆا انار امانگەلدىقىزى – «AMANAT» پارتياسى, ماڭعىستاۋ وبلىستىق فيليالى توراعاسىنىڭ ورىنباسارى;
ءىس-شارالاردى ۇيىمداستىرۋ بارىسىندا, اقتوبە قالاسى, قارعالى, بايعانين, العا جانە تەمىر اۋداندارىنىڭ مەشىتتەگى ايەل جاماعاتىمەن, جاستارمەن, جەرگىلىكتى تۇرعىندارمەن جانە ت.ب. «زايىرلى قوعام جانە مەملەكەت دامۋىنىڭ زايىرلىلىق پرينتسيپتەرى», «مۇسىلمان ايەلدىڭ زايىرلى مەملەكەتتەگى تۇلعاسى», «رۋحاني تاربيە جانە جاستار», جانە ت.ب. تاقىرىپتار اياسىندا كەزدەسۋلەر وتكىزىلدى.