ەلىمىزدە مەملەكەت باسشىسىنىڭ باستاماسىمەن قولعا الىنعان «جايلى مەكتەپ» ۇلتتىق جوباسى قارقىندى ىسكە اسىرىلىپ جاتىر. ۇلتتىق جوبا اياسىندا قوستاناي وبلىسىنىڭ زارەچنىي كەنتىندە جانە جەتىسۋ وبلىسىنىڭ جاركەنت قالاسىندا تاعى ەكى ءبىلىم بەرۋ ۇيىمى پايدالانۋعا بەرىلدى, دەپ حابارلايدى Egemen.kz.
مەكتەپتەر 900 جانە 1200 وقۋشى ورنىنا ارنالعان. مۇندا 100-دەن استام وقۋ كابينەتى, ونىڭ ىشىندە زەرتحانالارى بار فيزيكا, حيميا, بيولوگيا كابينەتتەرى, روبوتوتەحنيكا جانە STEM زەرتحانالارى بويىنشا سىنىپتار, سونداي-اق 3 سپورت زالى بار.
ءبىلىم بەرۋ نىساندارىندا ەرەكشە ءبىلىم بەرۋ قاجەتتىلىكتەرى بار بالالار ءۇشىن بارلىق جاعداي جاسالعان: پاندۋستار, تۇتقالار, كورۋ قابىلەتى تومەن جاندارعا ارنالعان ەسكەرتۋ جۇيەلەرى, تابلولار مەن باعدارلار ورناتىلعان.
ەستەرىڭىزگە سالا كەتەيىك, 2024-2025 وقۋ جىلىنىڭ باسىنان بەرى ەلىمىزدە 82 مىڭعا جۋىق وقۋشى ورنىنا ارنالعان 30 جايلى مەكتەپ اشىلعان. ونىڭ ىشىندە 9 مەكتەپ استانا قالاسىندا, 6 مەكتەپ اقمولا, 3 مەكتەپ الماتى وبلىستارىندا جانە ەكى مەكتەپتەن – اتىراۋ جانە جامبىل وبلىستارىندا, ءبىر مەكتەپتەن – قاراعاندى, قىزىلوردا, تۇركىستان, قوستاناي جانە جەتىسۋ وبلىستارىندا, سونداي-اق, 1 مەكتەپ الماتى, 2 مەكتەپ شىمكەنت قالالارىندا اشىلدى.
2025 جىلدىڭ سوڭىنا دەيىن «جايلى مەكتەپ» ۇلتتىق جوباسى اياسىندا زاماناۋي فورماتتاعى 217 مەكتەپتى پايدالانۋعا بەرۋ جوسپارلانىپ وتىر.