اقتاۋدا قاتتى جەل كوتەرىلىپ, ايالداما پاۆيلونىن قيراتقان. سالدارىنان قالا تۇرعىنى دەنە جاراقاتىن العان, دەپ حابارلايدى Egemen.kz.
الەۋمەتتىك جەلىدە پايدا بولعان الدىن الا مالىمەت بويىنشا, اقتاۋداعى ءبىرىنشى شاعىن اۋداندا ايالداما كەشەنى وپىرىلىپ تۇسكەن. كۋاگەرلەر وقيعانى ۆيدەوعا ءتۇسىرىپ العان.
ماڭعىستاۋ وبلىستىق پوليتسيا دەپارتامەنتىنىڭ ءباسپاسوز قىزمەتى وقيعا 5 قاراشا كۇنى بولعانىن حابارلاپ, تۇسىنىكتەمە بەردى.
«ناتيجەسىندە ءبىر ادام زارداپ شەگىپ, وبلىستىق اۋرۋحاناعا جەتكىزىلدى. ساپاسىز قۇرىلىس فاكتىسى بويىنشا قىلمىستىق ءىس قوزعالعان. تەرگەۋ امالدارى جۇرگىزىلىپ جاتىر», دەپ حابارلادى ءوڭىردىڭ پوليتسيا دەپارتامەنتى.