ءماجىلىس توراعاسى ەرلان قوشانوۆ بۇگىن قىرعىزستانعا رەسمي ساپارىنىڭ ەكىنشى كۇنىندە پرەزيدەنت سادىر جاپاروۆپەن كەزدەسىپ, قاسىم-جومارت توقاەۆتىڭ جىلى لەبىزى مەن ىزگى تىلەگىن جەتكىزدى. سونداي-اق سادىر جاپاروۆتىڭ باۋىرلاس حالىقتار اراسىنداعى دوستىق پەن وداقتاستىق قاتىناستاردى نىعايتۋعا قوسقان زور ۇلەسىن اتاپ ءوتتى, دەپ حابارلايدى Egemen.ءkz ماجىلىستىڭ ءباسپاسوز قىزمەتىنە سىلتەمە جاساپ.
ەرلان قوشانوۆ قازىرگى تاڭدا ورتالىق ازيا تۇتاس ءوڭىر رەتىندە جاڭا دامۋ كەزەڭىن باستان كەشىپ جاتقانىنا, بۇل كەزەڭدى قازاقستان پرەزيدەنتى «ورتالىق ازيا رەنەسسانسى» دەپ اتاعانىنا نازار اۋداردى. ءماجىلىس توراعاسى مەملەكەت باسشىلارى قابىلداعان «ورتالىق ازيا-2040» وڭىرلىك ىنتىماقتاستىقتى دامىتۋ تۇجىرىمداماسىن جۇزەگە اسىرۋدا پارلامەنتتەردىڭ بەلسەندى ءرول اتقارۋعا نيەتتى ەكەنىن جەتكىزدى.
قىرعىزستان پرەزيدەنتىنە جوگوركۋ كەنەش توراعاسى نۇرلانبەك شاكيەۆپەن كەزدەسۋدىڭ جانە قىرعىز رەسپۋبليكاسىنىڭ جوگوركۋ كەنەشى مەن قازاقستان رەسپۋبليكاسى پارلامەنتى اراسىنداعى ىنتىماقتاستىق جونىندەگى پارلامەنتارالىق كەڭەستىڭ ەكىنشى وتىرىسىنىڭ ناتيجەلەرى تۋرالى اقپارات بەرىلدى. ءماجىلىس سپيكەرى ەكىجاقتى قاتىناستى نىعايتۋداعى كەڭەس جۇمىسىنىڭ ماڭىزدىلىعىنا ەرەكشە توقتالدى.
«پارلامەنتارالىق كەڭەس قازاقستان مەن قىرعىزستان اراسىنداعى ساياسي ديالوگ پەن ءوزارا تۇسىنىستىكتى ودان ءارى تەرەڭدەتۋگە ىقپال ەتەتىن بولادى. ونىڭ تيىمدىلىگىن كورىپ وتىرمىز. كەشە قىرعىز ارىپتەستەرىمىزبەن ساۋدا-ەكونوميكا, ينۆەستيتسيا جانە مادەني-گۋمانيتارلىق ىنتىماقتاستىقتىڭ كەلەشەگىن تالقىلادىق. شەكارالىق باقىلاۋ, سۋ جانە ەنەرگەتيكا قاۋىپسىزدىگى سالالارىنداعى ىقپالداستىققا دە ەرەكشە كوڭىل بولدىك. سونىمەن قاتار ءبىزدىڭ كەڭەس زاڭ شىعارۋ قىزمەتىندە تاجىريبە الماسۋعا, تۋىنداعان ماسەلەلەر بويىنشا شۇعىل شەشىمدەر قابىلداۋعا جانە پارلامەنتتەرىمىزدىڭ دەپۋتاتتارى اراسىنداعى بايلانىستى نىعايتۋعا زور مۇمكىندىك بەرەدى», دەدى ەرلان قوشانوۆ.
ءماجىلىس سپيكەرى سونداي-اق قىرعىز رەسپۋبليكاسىنا الداعى تۇركى مەملەكەتتەرى ۇيىمىنا توراعالىعىنا تابىس تىلەپ, ەكى ەل دەپۋتاتتارىنىڭ تۇركپا, ۇقشۇ پا, تمد پا سەكىلدى حالىقارالىق الاڭداردا جانە ايماق ءۇشىن جاڭا فورماتتاعى «ورتالىق ازيا – كورەيا رەسپۋبليكاسى» پارلامەنت سپيكەرلەرىنىڭ كەڭەسىندە كەلىسىلگەن جۇمىسىن اتاپ ءوتتى.
قىرعىز رەسپۋبليكاسىنىڭ باسشىسى قازاقستان پرەزيدەنتى قاسىم-جومارت توقاەۆقا سالەمىن جولداپ, ونىڭ جەتەكشىلىگىمەن قازاقستاندا جۇرگىزىلىپ جاتقان ساياسي جانە ەكونوميكالىق رەفورمالاردى جوعارى باعالادى.
ايتا كەتەيىك, قىرعىز رەسپۋبليكاسىنا رەسمي ساپار اياسىندا ءماجىلىس پەن جوگوركۋ كەنەش دەپۋتاتتارىنىڭ ەكىجاقتى كەزدەسۋى ءوتتى. قىرعىز رەسپۋبليكاسىنىڭ جوگوركۋ كەنەشى مەن قازاقستان رەسپۋبليكاسى پارلامەنتى اراسىنداعى ىنتىماقتاستىق جونىندەگى پارلامەنتارالىق كەڭەستىڭ ەكىنشى وتىرىسىندا كەڭەس تۋرالى ەرەجە قابىلداندى.