تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى جاسلان ماديەۆ قازاقستانداعى IT ماماندارىنىڭ ورتاشا جالاقى مولشەرىن ءمالىم ەتتى, دەپ حابارلايدى Egemen.kz.
2023 جىلى قازاقستاننىڭ IT-يندۋسترياسى ءوزىنىڭ قارقىندى ءوسۋىن جالعاستىرىپ, جۇمىسپەن قامتۋ ءۇشىن ەڭ تارتىمدى سالالاردىڭ بىرىنە اينالدى. IT-كومپانيالاردىڭ سانى 17 922-گە جەتتى, بۇل كورسەتكىش 2022 جىلمەن سالىستىرعاندا 11 پايىزعا كوپ.
ءمينيستردىڭ ايتۋىنشا, بۇل سالاعا قىزىعۋشىلىقتىڭ ارتۋى ونىڭ بەلسەندى دامىپ كەلە جاتىرعانىن كورسەتەدى.
«2023 جىلى IT ماماندارىنىڭ ورتاشا ايلىق جالاقىسى 588 مىڭ تەڭگەنى قۇرادى, بۇل ءبىر جىل بۇرىنعىمەن سالىستىرعاندا 35 پايىزعا كوپ. بۇل بىلىكتى كادرلارعا جانە باسەكەگە قابىلەتتى ەڭبەك جاعدايلارىنا دەگەن جوعارى سۇرانىستىڭ كورىنىسى», دەدى جاسلان ماديەۆ.
سونىمەن قاتار اقپاراتتىق تەحنولوگيالار سالاسىنداعى جۇمىسپەن قامتۋ 12 پايىزعا ءوسىپ, 187 مىڭ ادامعا جەتكەن. مينيستر قىزمەتكەرلەر سانىنىڭ ارتۋى سالانىڭ كەڭەيىپ, جاڭا جۇمىس ورىندارىنىڭ اشىلعانىن دالەلدەيدى دەپ اتاپ ءوتتى.