ءبىلىم دوداسىنا جالپى ءبىلىم بەرەتىن پاندەر بويىنشا رەسپۋبليكالىق وليمپيادانىڭ قورىتىندى كەزەڭىنىڭ جەڭىمپازدارى مەن جۇلدەگەرلەرى جانە رەسپۋبليكالىق جاسوسپىرىمدەر وليمپياداسىنىڭ وڭىرلىك كەزەڭدەرىنىڭ قاتىسۋشىلارى اراسىنان ىرىكتەلگەن 9-11 سىنىپتاردان 80-گە جۋىق وقۋشى قاتىسىپ جاتىر, دەپ حابارلايدى Egemen.kz.
وليمپيادا باعدارلاماسى بەس كۇنگە جوسپارلانعان جانە جاس حيميكتەردىڭ ەڭ مىقتىسىن انىقتاۋ ماقساتىندا تەوريالىق جانە پراكتيكالىق تۋرلاردى قامتيدى. ماقساتى – دارىندى بالالاردى انىقتاۋ جانە قولداۋ, تەوريالىق بىلىمدەرى مەن پراكتيكالىق داعدىلارىن تەرەڭدەتۋ, سونداي-اق وقۋشىلاردىڭ حيميا پانىنە دەگەن قىزىعۋشىلىعىن ارتتىرۋ.
وليمپياداعا قاتىسۋمەن قاتار, وقۋشىلار ساتباەۆ اتىنداعى ءۇي-مۇراجايى مەن تاريحي-وندىرىستىك مۇراجايىن, تاۋ-كەن جانە بالقىتۋ ونەركاسىبى تاريحى مۇراجايىن, سونداي-اق تاريحي-ارحەولوگيالىق مۇراجايىن ارالاپ, قازاقستان عىلىمى مەن مادەنيەتى مۇراسىنان سۋسىنداپ, كورنەكتى عالىمدار مەن ينجەنەرلەردىڭ جۇمىسىمەن تانىساتىن بولادى.
وليمپيادا قورىتىندىسى بويىنشا جەڭىمپازدار مەن جۇلدەگەرلەر قازاقستان رەسپۋبليكاسى وقۋ-اعارتۋ مينيسترلىگىنىڭ I, II جانە III دارەجەلى ديپلومدارىمەن جانە باعالى سىيلىقتارمەن, سونداي-اق جەتەكشى جوعارى وقۋ ورىندارىندا وقۋعا ارنالعان ءبىلىم گرانتتارىمەن ماراپاتتالادى.
وليمپيادانىڭ ۇيىمداستىرۋشىلارى – قازاقستان رەسپۋبليكاسى وقۋ-اعارتۋ مينيسترلىگىنىڭ «دارىن» رەسپۋبليكالىق عىلىمي-پراكتيكالىق ورتالىعى, «The Ulytau Educational Foundation» قوعامدىق قورى جانە ۇلىتاۋ وبلىسىنىڭ ءبىلىم باسقارماسى. وليمپيادا دەمەۋشىسى «قازاقمىس» كورپوراتسياسى.