اقمولا وبلىسى ەرەيمەنتاۋ اۋدانىندا ەسىرتكى وندىرىسىنە قاتىستى جاسىرىن زەرتحانا جويىلدى, دەپ حابارلايدى Egemen.kz.
ۇقك اقمولا وبلىسى بويىنشا دەپارتامەنتى ەرەيمەنتاۋ اۋدانىنداعى پروكۋراتۋرا ورگاندارى ۇيلەستىرۋىمەن سينتەتيكالىق ەسىرتكى وندىرىسىنە قاتىستى جاسىرىن زەرتحانانىڭ ارەكەتىن توقتاتتى.
قازاقستان ازاماتى ەسىرتكىنىڭ كەزەكتى پارتياسىن دايىنداپ جاتقان كەزىندە ۇستالىپ, سوتتىڭ سانكتسياسىمەن قاماۋعا الىندى.
- 7 كەلىگە جۋىق مەفەدرون پسيحوتروپ زاتى, 100 ليتردەن اسا پرەكۋرسور, سونداي-اق, سينتەتيكا جاساۋعا ارنالعان زەرتحانالىق جابدىقتار تاركىلەندى, - دەپ جازىلعان حابارلامادا.
قىلمىستىق كودەكستىڭ 297-بابىنىڭ 3-ءبولىمى بويىنشا سوتالدى تەرگەۋ جۇرگىزىلىپ جاتىر.