استانادا ءوتىپ جاتقان «Connected-2024» حالىقارالىق كونفەرەنتسياسىندا پرەمەر-ءمينيستردىڭ ورىنباسارى تامارا دۇيسەنوۆا ەلىمىزدە 23 شەتەلدىك جوعارى وقۋ ورنىنىڭ فيليالدارى اشىلعانىن ايتتى, دەپ حابارلايدى Egemen.kz.
ۆيتسە-پرەمەردىڭ ايتۋىنشا, قازاقستانعا شەتەلدىك وقۋ ورىندارىن تارتۋ جۇمىستارى جۇرگىزىلىپ جاتىر. قازىردىڭ وزىندە 23 جوعارى وقۋ ورنىنىڭ فيليالدارى ءوز جۇمىستارىن باستاعان. ول سونداي-اق سەرىكتەستىكتىڭ ءۇش نەگىزگى ماقساتى بار ەكەنىن اتاپ ءوتتى.
ء«بىرىنشىسى – حالىقارالىق ستاندارتقا ساي وقۋ باعدارلاماسىن يگەرگەن, ەڭبەك نارىعىندا سۇرانىسقا يە جوعارى بىلىكتى كادرلاردى دايارلاۋ. ەكىنشىسى – ءبىلىم بەرۋ باعدارلامالارى مەن وقىتۋ تەحنولوگيالارىنىڭ وزىق ۇلگىلەرىن بەرۋ. ۇشىنشىدەن, عىلىم مەن يننوۆاتسيانى دامىتۋ. بىرلەسىپ ناتيجەلى جۇمىس جاساپ, العا قويعان ماقساتتارىمىزعا بىرگە جەتەمىز دەپ ويلايمىن», دەدى تامارا دۇيسەنوۆا.
ەسكە سالا كەتەيىك, استانا تورىندە 60 ەلدەن 300 حالىقارالىق ساراپشىنىڭ قاتىسۋىمەن عىلىم, ءبىلىم, يننوۆاتسيا, تسيفرلاندىرۋ جانە ەكولوگيا ماسەلەلەرىنە ارنالعان حالىقارالىق كونفەرەنتسيا ءوتىپ جاتىر.