اتىراۋدا ءداستۇرلى ەمەس ءدىني اعىمدى ۇستاناتىن 2000-نان استام ازاماتتى وڭالتۋ ءۇشىن ءتيىستى جۇمىستار جۇرگىزىلگەن. بۇل تۋرالى اتىراۋ وبلىسى ءدىن ىستەر باسقارماسىنىڭ باسشىسى قاھارمان راحمەت ۇلى باياندادى, دەپ جازادى Egemen.kz.
وڭالتۋ جۇمىستارىن جۇرگىزۋ بارىسىندا تەرىس ءدىني سەنىمدەگى 88 ادام رايىنان قايتقان.
ء«بىر تۇلعانىڭ كوزقاراسىن وزگەرتۋ ءۇشىن كەمىندە 1 جىل ۋاقىت كەتەدى. ءدىن سالاسىنىڭ ارنايى ماماندارى تۇراقتى تۇردە ءتۇسىندىرۋ جانە وڭالتۋ جۇمىستارىنا كوڭىل ءبولىپ وتىرادى» دەدى قاھارمان راحمەت ۇلى.
ال تەرىس اعىمداعى ءدىني اقپارات تاراتقان 37 وبلىس تۇرعىنى ايىپپۇل ارقالاعان. ءدىني قىزمەت جانە ءدىني بىرلەستىكتەر تۋرالى زاڭنامانى بۇزىپ, تەرىس ءدىني اقپاراتتى تاراتىپ, جاريالاعان ازاماتتارعا 490-باپقا سايكەس اكىمشىلىك قۇقىق بۇزۋشىلىق تۋرالى ءىس قوزعالعان. بۇگىندە 37 تۇرعىن ەلۋ ايلىق ەسەپتiك كورسەتكiش مولشەرiندە ايىپپۇل تولەۋگە مىندەتتەلدى.