جىلىتۋ ماۋسىمى: استانادا جەر ۇيلەردىڭ قاۋىپسىزدىگى تەكسەرىلدى

استانا قالاسى توتەنشە جاعدايلار دەپارتامەنتى باستىعىنىڭ ورىنباسارى ماديار مىرزاگەلديەۆ 20 قىركۇيەكتەن باستاپ وسى ساناتتاعى باسپانالار مەن جاتاقحانالاردىڭ  714-ءى تەكسەرىلگەنىن ايتتى. 

الدا وسىنداي 351 باسپانانىڭ جىلۋ جۇيەسىندەگى قاۋىپسىزدىگى تەكسەرىلمەك. 

دەپارتامەنتتىڭ ەسەبىنشە, قازىرگى ۋاقىتتا اۋلالاردى ارالاۋمەن تولىق قامتىلعان 750 الەۋمەتتىك وسال توپتاعى وتباسى بار. 168 ۇيدە كومىرتەگى توتىعى داتچيكتەرى ورناتىلعان بولسا, قالعان 582 ۇيدە سىرتقى تەكسەرۋ جانە باتارەيالاردى اۋىستىرۋ جۇرگىزىلگەن.

«15 تامىزدان باستاپ جىلىتۋ كەزەڭىنە دايىندىق شەڭبەرىندە 4 265 ءۇي پروفيلاكتيكالىق ارالاۋمەن قامتىلدى, 8 مىڭعا جۋىق بۇزۋشىلىق انىقتالدى (ولاردىڭ ىشىندە 24%-ى جىلىتۋ جۇيەلەرىنە جانە 35%-ى ەلەكتر ەنەرگياسىنا قاتىستى), ونىڭ 2 150-ءى سول جەردە تۇزەتىلدى. دەپارتامەنت انىقتالعان بۇزۋشىلىقتاردىڭ ورىندالۋىن باقىلاۋدى قاراستىرمايتىنىن اتاپ وتكەن ءجون», دەدى ماديار مىرزاگەلديەۆ.