اۋىلداعى ءوندىرىس ورتالىعى

كەيىنگى جىلدارى مال شا­رۋا­­شىلىعىنا دەن قويىپ, وبلىس ورتالىعىن ەتپەن قام­تاماسىز ەتە باستا­عان بەس­ارىق اۋىلىندا قىركۇيەك­تىڭ سوڭعى كۇنىندە بەس بىردەي ءوندىرىس ورنى اشىلدى. كاسىپكەرلەردىڭ كەيبىرى ءىسىن جاڭا باستاسا, ءبىرازى بۇرىن بيزنەسىن ءۇي جاعدايىندا جۇر­گىزىپ كەلگەن. سولاردىڭ ءبىرى – نان ءوندىرىسىن جولعا قويعان گۇلميرا سماعۇلوۆا.

«اۋىل اماناتى» جوباسى ارقىلى 7 ملن تەڭگە جەڭىل­دەتىلگەن نەسيە الدىم. ءونىم­نىڭ ساپاسى مەن سالماعىنا قات­تى ءمان بەرەمىز. وسىنداي ورتالىق سالىپ, بىزگە جاعداي جاساعان ەل ازاماتتارىنا ايتار العىسىمىز شەكسىز», دەيدى كاسىپ يەسى.

اۋىلدان شىعاتىن سابىن, قولعاپ, پلاستيكالىق ىدىس­تار مەن ش ۇلىقتارعا وزگە وڭىر­­لەردەن دە تاپسىرىس­تار ءتۇسىپ جاتىر ەكەن. اۋىل تۇر­عىنى جارقىن ساپار­عالي ۇلى – وڭىر­لىك ينۆەس­تيتسيا­لىق ورتالىق كومەگىمەن تىڭ كاسىپ باستاعان جاننىڭ ءبىرى. وسىدان ەكى جىل بۇرىن كەلىن­شەگى ەكەۋى ويۋ-ورنەك باسىپ شىعارۋ تۋرالى ويلاسىپ, ءبىراز ىزدەنىپتى.

«باستاپقىدا شاعىن قۇرىلعىمەن امالدادىق. ونلاين تاپسىرىس ارقىلى جۇمىس ىستەدىك. بيىل قولداۋدىڭ ارقاسىندا ساپاسى جوعارى قۇرىلعىلاردى ساتىپ الدىق. سيرەك كاسىپ بولعاندىقتان, ەلىمىزدىڭ بارلىق وڭىرىنەن سۇرانىس بار», دەيدى.

بەسارىق اۋىلدىق وكرۋگى اكىمدىگىنىڭ ادىسكەرى ءبيبىزادا بەكەنوۆا اۋىل كاسىپكەرلەرىنە وڭىرلىك ينۆەستيتسيالىق ورتا­لىقتان 3, «اۋىل اماناتى» ارقىلى 4 جوباعا قولداۋ ج­ا­سال­­­عانىن ايتادى. وسىن­داي دە­مەۋدىڭ ارقاسىندا ەلدەگى ىس­كەر­­لەردىڭ جاڭا كاسىپ اشۋعا قى­زى­عۋ­شىلىعى ويانا تۇسكەن.

وندىرىستىك ورتالىقتا شىعىپ جاتقان پلاستيكالىق قۇتىلار دا – اسا قاجەت ءونىم. جان-جاقتان ءتۇسىپ جاتقان سۇرانىسقا ساي الداعى ۋاقىتتا قۇتىلاردىڭ 5 ليترلىگىن دە شىعارۋ ويلاستىرىلىپ وتىر.

وسى اۋىلداعى مەكتەپ مۇ­عالىمدەرى سامات اقپان­بەتوۆ پەن جارى گۇلزيرا قول­عاپ ءوندىرىسىن ءبىراز زەرتتەپ, وب­لىس­تا شارۋاشىلىققا قولدا­نا­تىن جۇمىس قولعاپتارى شىق­پايتىنىنا كوز جەتكىزىپتى. بىزگە بۇل تاۋار شىمكەنت پەن قىتايدان كەلەدى ەكەن. وسى­دان كەيىن بەلدى بۋىپ, تارازدا وسى سالاعا ماشىقتانعان كاسىپكەرلەرگە سەرىكتەس بولىپ, قىتايدان قولعاپ شىعارۋعا قاجەت ءجىپ پەن شاعىن قوندىرعى الدىرادى.

«كاسىپكە قاجەت قارجىنى «قىزىلوردا» وڭىرلىك ينۆەس­تيتسيالىق ورتالىعىنان ال­دىق. قازىر نارىقتا جۇمىس قول­عاپتارى 120–150 تەڭگەدەن ساتىلىپ جاتسا, ءبىز 80–85 تەڭگەدەن ساۋدالاپ جاتىرمىز», دەيدى سامات اقپانبەتوۆ.

قازىر كۇنىنە 200–250, اپتاسىنا 1 200–1 500 قولعاپ شىعارىپ جاتىر. اۋىل­داعى ءوندىرىس ورتالىعى مەم­لەكەتتىڭ قولداۋى ارقاسىندا ەلدە دە كاسىپ باستاعاندار قاتارى كوبەيە تۇسكەنىن كورسەتىپ وتىر.

قىزىلوردا