قىزىلوردا وبلىسى, جاڭاقورعان اۋدانىندا توتەنشە جاعدايلار قىزمەتىندەگى كينولوگتاردىڭ رەسپۋبليكالىق جيىنى ءوتىپ, وعان مينيسترلىكتىڭ 29 كينولوگيالىق ەسەپ توبى كەلدى, دەپ حابارلايدى Egemen.kz.
جەدەل قۇتقارۋ جاساعىنىڭ ماماندارى ارنايى سىناق تاپسىرىپ, قىزمەتتىك يتتەردىڭ ءىس-ارەكەتتەرى پىسىقتالدى. قۇتقارۋ قىزمەتىندەگى يتتەردىڭ ءتىل الۋى, شاپشاڭدىعى تەكسەرىلدى. سونداي-اق كينولوگتار تابيعي ورتادا جانە قيراعان عيماراتتاردا ىزدەستىرۋ جۇمىستارىن جۇرگىزۋدەن سىناق تاپسىردى.
«تۇركياداعى جەر سىلكىنىسى كەزىندە ءدال وسى ريگا ەسىمدى يتىممەن قۇتقارۋ جۇمىستارىنا قاتىستىق. گازيانتەپ قالاسىندا بۇل يت اپات كەزىندە ءۇيىندى استىندا ءتىرى قالعان ءۇش ادامدى تاۋىپ, ولاردى امان-ەسەن الىپ شىقتىق. ءبىر وتباسىنىڭ مۇشەلەرى ەكەن. جالپى تەحنوگەندىك اپات ايماقتارىندا كينولوگ-قۇتقارۋشىلاردىڭ قىزمەتى وتە ماڭىزدى. سوندىقتان يتتەردىڭ ىزدەۋ قابىلەتىن شىڭداپ, سوعان ۇيرەتەمىز», دەيدى كينولوگ دامير گيزاتۋللين.