ىشكى ىستەر مينيسترلىگى شىمكەنتتە جىل باسىنان بەرى اۋىر جانە اسا اۋىر قىلمىستارعا قاتىسى بار 10-نان استام توپ ۇستالعانىن مالىمدەدى, دەپ جازادى Egemen.kz.
ال 8 قازان كۇنى قولعا تۇسكەندەر ويىن-ساۋىق مەكەمەلەرىنە قىلمىستىق قامقورلىق كورسەتكەن جاستار توبى ۇستالدى.
كۇدىكتىلەردىڭ بوپسالاۋمەن قاتار بۇزاقىلىققا جانە قارۋدى زاڭسىز ساقتاۋعا قاتىسى بار ەكەنى دە انىقتالدى.
11 قازاندا شىمكەنتتىك كاسىپكەرلەردى بوپسالاۋمەن اينالىسقان قىلمىستىق توپتىڭ مۇشەلەرى قولعا ءتۇستى. ولار وزدەرىنىڭ قىلمىستىق قامقورلىعى ءۇشىن ءۇش ميلليون تەڭگەگە دەيىن اقشا العان. كەلىسپەگەن جاعدايدا فيزيكالىق جانە مورالدىق قىسىم كورسەتكەن. وسى فاكتىلەر بويىنشا ىشكى ىستەر ورگاندارىنا بارلىعى 35 فيگۋرانت جەتكىزىپ, 100-دەن استام ءتىنتۋ شاراسى جۇرگىزىلگەن. قارۋ-جاراق پەن وق-ءدارى تاركىلەنگەن.
«شىمكەنت قالاسىندا وسى جىلدىڭ 10 ايىندا قىلمىستىق توپتاردىڭ جولىن كەسۋ بارىسىندا 30-دان استام اتىس جانە تراۆماتيكالىق قارۋ, ونىڭ ىشىندە ءبىر كالاشنيكوۆ اۆتوماتى, 15 شولاق مىلتىق, 11 تاپانشا, ەكى ۆينچەستەر جانە مىڭنان استام وق-ءدارى تاركىلەندى», دەدى ءىىم ۇيىمداسقان قىلمىسقا قارسى دەپارتامەنتىنىڭ وكىلى قۋاندىق الپىس.