بۇگىن بالالار جازۋشىسى بەردىبەك سوقپاقباەۆتىڭ تۋعانىنا - 100 جىل. جازۋشىنىڭ مەرەيتويىنا وراي «ون التى جاسار چەمپيون» پوۆەسىنىڭ جەلىسىمەن تەلەحيكايا ءتۇسىرىلدى, دەپ جازادى Egemen.kz.
قۋانىشتى حاباردى مادەنيەت جانە اقپارات ءمينيسترى ايدا بالاەۆا الەۋمەتتىك جەلىدەگى پاراقشاسىندا ءبولىستى.
4 بولىمنەن تۇراتىن تەلەحيكايانى «قازاقستان» تەلەراديوكورپوراتسياسى تۇسىرگەن.
«سەريالدا باس كەيىپكەر - تاباندىلىعى مەن ەڭبەكقورلىعىنىڭ ارقاسىندا بوكستان الەم چەمپيونى اتانعان اۋىل مەكتەبىنىڭ وقۋشىسى مۇرات باتىرباەۆتىڭ ءرولىن نۇرلىبەك ەسەن جانە الىبەك قوسۋباق سومداپ شىقتى. ال جاتتىقتىرۋشى نيكولاي ءتروفيموۆيچتىڭ ءرولىن سەرگەي سەمىكين وينايدى. رەجيسسەرى - نۇرگەلدى سادىعۇلوۆ», دەپ جازدى مينيستر.
«ون التى جاسار چەمپيون» قالامگەردىڭ 1951 جىلى جازعان تۋىندىسى. شىعارما كەيىننەن بىرنەشە رەت وڭدەلىپ, «چەمپيون, «جەكپە-جەك» اتاۋلارىمەن دە جارىق كوردى.
ال تەلەحيكايا «Qazaqstan» تەلەارناسىنان 19-20 قازان كۇندەرى 15:00-دە كورسەتىلەدى.