قر ەڭبەك جانە حالىقتى الەۋمەتتىك قورعاۋ ءمينيسترى سۆەتلانا جاقىپوۆا ەلىمىزدە سۇرانىسقا يە بولاتىن جاڭا ماماندىقتاردىڭ ءتىزىمىن جاريالادى, دەپ حابارلايدى Egemen.kz.
ءمينيستردىڭ ايتۋىنشا, بولجامنىڭ ءۇش ءتۇرى بار: قىسقا مەرزىمدى, ورتا مەرزىمدى جانە ۇزاق مەرزىمدى.
«قىسقا مەرزىمدى بولجام جۇمىس ىستەپ تۇرعان كاسىپورىندار مەن بوس جۇمىس ورىندارىن جاريالايتىن كاسىپكەرلەردىڭ وتىنىمدەرى نەگىزىندە قالىپتاسادى, ونىڭ نەگىزىندە ۇزاق مەرزىمدى بولجام وتاندىق نارىقتا پايدا بولاتىن بولاشاق سالالار تۋرالى اقپاراتتى قامتيدى. ءبىز ەلىمىزدە سۇرانىسقا يە بولاتىن جاڭا ماماندىقتاردىڭ تولىق ءتىزىمىن ۇسىنۋعا دايىنبىز», دەدى سۆەتلانا جاقىپوۆا بۇگىن وتكەن ءماجىلىس وتىرىسىندا.ونىڭ ايتۋىنشا, تىزىمگە جاساندى ينتەللەكت ماماندارى, اتوم ەلەكتر ستانتسياسىنىڭ جۇمىسشىلارى, بلوكچەين تەحنولوگياسى بويىنشا ماماندار, IT ديزاينەرلەرى, باعدارلاماشىلار كىرەدى.