قازاق سپورتشىلارىنىڭ وتكەن اپتاداعى جارقىن جەڭىستەرى

دزيۋدو: ابۋ-دابيدە ء(باا) ۇلكەن دۋلىعا ساناتىنداعى تۋرنيردە قازاقستان قۇراماسى ءۇش قولا مەدال جەڭىپ الدى. اتاپ ايتقاندا, ەرلەر اراسىندا داۋرەن سۇيۋكەنوۆ (60 كگ), ايەلدەر باسەكەسىندە ءابيبا ابۋجاقىنوۆا (48 كگ) جانە نازگۇل ماراتوۆا (+78 كگ) ۇزدىك ۇشتىكتەن كورىندى.

دزيۋدو: اقتاۋداعى «حالىق-ارەنا» سپورت كەشەنىندە وتكەن اشىق ازيا كۋبوگىندە قازاقستان قۇراماسى 12 التىن, 11 كۇمىس, 21 قولا مەدال ولجالادى.

اكادەميالىق ەسكەك ەسۋ: وزبەكستاننىڭ سامارقاند قالاسىندا ءوتىپ جاتقان ازيا چەمپيوناتىنىڭ العاشقى ەكى كۇنىندە قازاقستان قۇراماسىنىڭ سپورتشىلارى 8 مەدال (2 كۇمىس, 6 قولا) يەلەندى.

قۇزعا ورمەلەۋ: قىتايدىڭ تايان قالاسىنداعى ازيا چەمپيوناتىندا ءامىر مايمۇراتوۆ پەن تامارا ولجاباەۆا كۇمىس مەدال ەنشىلەدى.

تەننيس: شىمكەنت قالاسىندا وتكەن جاسوسپىرىمدەر اراسىنداعى Shymkent Open ITF Juniors تۋرنيرىندە الەمدىك رەيتينگتە 149-ورىندا تۇرعان زاڭعار نۇرلان ۇلى توپ جاردى. ول فينالدا سەربيالىق نيكولا يوۆيچتەن (95 ITF Juniors) باسىم ءتۇستى – 7:5, 6:1. بۇل – زاڭعاردىڭ جەكەلەي سىندا ITF Juniors دودالارىنداعى ءتورتىنشى تيتۋلى. بۇدان بۇرىن ول يزميردە (J100), تۇركيادا (J30) جانە ترناۆادا (J30) جەڭىسكە جەتكەن ەدى.

تەننيس: جۇپتىق سىندا قازاقستاننىڭ ءبىرىنشى, الەمنىڭ 31-راكەتكاسى اننا دانيلينا ۋحان (قىتاي) WTA 1000 ءتۋرنيرىنىڭ چەمپيونى اتاندى. ول رەسەيلىك يرينا حروماچەۆامەن جۇپ قۇراپ, فينالدا امەريكالىقتار – دجەسسيكا پەگۋلا مەن ايشا مۋحاممادتى تىزە بۇكتىردى – 6:3, 7:6 (8:6).

گرەپپلينگ: استانادا گرەپپلينگتەن ۇيىمداستىرىلعان الەم چەمپيوناتىندا ۇلتتىق قۇراما 13 جۇلدەگە (4 التىن, 4 كۇمىس, 5 قولا) يە بولدى.

كاراتە: يتاليانىڭ ۆەنەتسيا-ەزولو قالاسىنداعى WKF كاراتەدەن جاسوسپىرىمدەر مەن جاستار (U21) اراسىنداعى الەم چەمپيوناتىندا ۇلتتىق قۇراما سپورتشىلارى 1 التىن, 1 كۇمىس, 2 قولا مەدالداردى جەڭىپ الدى.