مەملەكەت باسشىسى قاسىم-جومارت توقاەۆتىڭ جارلىعىمەن ۇلىتاۋ وبلىسىنا جاڭا اكىم تاعايىندالدى, دەپ جازادى Egemen.kz.
«داستان اداي ۇلى رىسپەكوۆ ۇلىتاۋ وبلىسىنىڭ اكىمى لاۋازىمىنا تاعايىندالسىن», دەلىنگەن اقوردا تاراتقان حابارلامادا.
داستان اداي ۇلى 1984 جىلى قاراعاندى وبلىسى, جەزقازعان قالاسىندا دۇنيەگە كەلگەن.
ەڭبەك جولىن 2006 جىلى الماتى قالالىق ەكونوميكا جانە بيۋدجەتتىك جوسپارلاۋ باسقارماسىنان باستاعان. ءار جىلدارى ءتۇرلى باسشىلىق قىزمەتتەردى اتقاردى.
2020 جىلدىڭ اقپان ايىنان باستاپ 2023 جىلدىڭ تامىزىنا دەيىن مادەنيەت جانە سپورت مينيسترلىگى تۋريزم يندۋسترياسى كوميتەتىنىڭ توراعاسى قىزمەتىن اتقارعان.
2023 جىلدىڭ تامىزىندا ۇلىتاۋ وبلىسى اكىمىنىڭ ورىنباسارى لاۋازىمىنا تاعايىندالعان.