ۇكىمەتتە قاراعاندى جانە پاۆلودار وبلىستارىنىڭ اۋماعىنداعى ءورتتى ءسوندىرۋ تۋرالى توتەنشە جاعدايلار ءمينيسترىنىڭ بايانداماسى تىڭدالدى, دەپ جازادى Egemen.kz.
6 قازان كۇنى پاۆلودار وبلىسى باياناۋىل اۋدانىمەن شەكتەسەتىن قاراعاندى وبلىسى قارقارالى اۋدانىنىڭ اۋماعىندا قۇرعاق ءشوپ ورتەندى.
ۇكىمەت وتىرىسىندا توتەنشە جاعدايلار ءمينيسترى ءورتتى ءسوندىرۋ ماقساتىندا قابىلدانىپ جاتقان شارالاردى مالىمدەدى. ءمينيستردىڭ ايتۋىنشا, جەدەل شتاب ءورتتى ءسوندىرىپ جاتىر. ال جاقىن ماڭداعى اۋىلدىڭ 18 تۇرعىنى ەۆاكۋاتسيالانعان.
«استانا قالاسى, اباي وبلىسى, اقمولا وبلىسىنىڭ جانە باسقا دا تجد كۇشتەرى مەن قۇرالدارى قوسىمشا تارتىلدى. بۇگىنگى تاڭدا پاۆلودار وبلىسىندا ءورت وقشاۋلانىپ, جاعداي باقىلاۋعا الىنعان. بۇگىن قاراعاندى وبلىسىندا ءورتتى وقشاۋلاۋ كوزدەلىپ وتىر», دەدى شىڭعىس ءارىنوۆ.
پرەمەر-مينيستر ولجاس بەكتەنوۆ توتەنشە جاعدايلار مينيسترلىگىنە دالا ورتىنە قاتىستى جاعدايدى قاتاڭ باقىلاۋدا ۇستاۋدى تاپسىردى.