وسىدان تۋرا ءبىر جىل بۇرىن مەملەكەت باسشىسى حالىققا جولداۋىندا ەلدە اەس قۇرىلىسىن سالۋ تەك رەفەرەندۋم ارقىلى عانا شەشىلەتىنىن ايتقانىن ۇمىتقان جوقپىز. بيىلعى جولداۋدان كەيىن كوپ تالقىسى بولاتىن كۇن ناقتىلانىپ, ەل سونى ەلەڭدەي كۇتتى.
بۇل ىستە اسىعىستىق بولدى دەپ ەشكىم ايتا المايدى. جىل بويى قوعامدىق تىڭداۋلار, كەڭ اۋقىمدى تالقىلاۋلار ءوتىپ, ونداعى مامانداردىڭ وي-پىكىرلەرىن ميلليونداعان ادام تىڭدادى. قاراپايىم حالىق تا ورتاق ماسەلەدەن سىرت قالماي, ۇسىنىستارىن ايتتى. كەشەگى تاڭداۋ كۇنى ۋچاسكەلەرگە اعىلعان مىڭداعان جۇرتتى كوردىك. بۇل داۋىس بەرۋشىلەردىڭ قوعام ءۇشىن اسا ماڭىزدى وقيعاعا سەلسوق قاراماعانىن كورسەتەدى.
تاعى ءبىر ايتا كەتەرلىگى, جۇرتشىلىقتىڭ تاڭداۋ جاساۋىنا وسى جولى دا بارلىق جاعداي جاسالدى. رەفەرەندۋم كۇنى كورسەتىلگەن شاقىرۋ قاعازدارى مەن سمس حابارلاندىرۋدان باستاپ ازاماتتاردىڭ ۋچاسكەسىن انىقتاۋعا ارنالعان 179 ونلاين سەرۆيس جۇمىس ىستەدى. ازاماتتاردى ۋاقىتشا تىركەۋ قىزمەتىمەن اينالىساتىن 5 ونلاين ۋچاسكە دە داۋىس بەرۋشىلەر ءۇشىن ىڭعايلى بولدى.
ءبىر سوزبەن ايتقاندا, رەفەرەندۋم مەملەكەت باسشىسىنىڭ باستاماسىمەن قوعامنىڭ ۇلكەن وزگەرىستەرگە بەت بۇرعانىن كورسەتتى.
بەيبىتكۇل كارىموۆا,
قورقىت اتا اتىنداعى قىزىلوردا ۋنيۆەرسيتەتىنىڭ رەكتورى-باسقارما توراعاسى