اقتوبە. 28 قاڭتار. اقتوبەدە س.جيەنباەۆ اتىنداعى وبلىستىق جاسوسپىرىمدەر كىتاپحاناسى جاڭا عيماراتقا قونىس اۋداردى. بۇل تۋرالى egemen.kz ءتىلشىسى حابارلادى.
نىساننىڭ اشىلۋىنا وبلىستاعى زيالى قاۋىم وكىلدەرى مەن وقىرماندار قاتىستى. اتالعان كىتاپحانا 1979 جىلى قۇرىلىپ, وعان 2000 جىلى اقىن ساعي جيەنباەۆتىڭ ەسىمى بەرىلدى. سەكسەن مىڭعا جۋىق كىتاپ قورى بار كىتاپحانا وسى ۋاقىتقا دەيىن «الاقاي» قۋىرشاق تەاترىنىڭ عيماراتىندا ورنالاسىپ كەلگەن بولاتىن. وبلىس اكىمدىگى مەن وبلىستىق مادەنيەت, مۇراعاتتار جانە قۇجاتتاما باسقارماسىنىڭ تاراپىنان قولداۋ كورسەتىلىپ, پروحوروۆ كوشەسىنىڭ بويىنداعى بۇعان دەيىن زاۋىت پوليتسيا بولىمشەسى بولىپ كەلگەن ەسكى نىسان كىتاپحانا مەنشىگىنە بەرىلدى. وتكەن جىلى رەسپۋبليكالىق بيۋدجەتتەن 47 ميلليون تەڭگە ءبولىنىپ, عيماراتتىڭ ءىشى, سىرتى قايتا جاڭاردى. جاڭارعان نىسان كىتاپتاردى ساقتاۋعا, وقىرماندارعا ساپالى قىزمەت كورسەتۋگە جانە كىتاپحانا قىزمەتكەرلەرىنىڭ ەركىن جۇمىس ىستەۋىنە وتە قولايلى. وقىرماندار ءۇشىن دە بارلىق جاعداي جاسالعان. مۇمكىندىگى شەكتەۋلى جاندار ءۇشىن ارنايى پاندۋس ورناتىلعان. وبلىستىق مادەنيەت, مۇراعاتتار جانە قۇجاتتاما باسقارماسى تاراپىنان كىتاپحانانىڭ ماتەريالدىق-تەحنيكالىق بازاسىن نىعايتۋ ءۇشىن ءبىر ميلليون تەڭگە بولىنگەن.
كىتاپحانادا ابونەمەنت, وقۋ زالى, يننوۆاتسيالىق جانە ادىستەمەلىك جۇمىس ءبولىمى, ينتەرنەت زال, قۇجاتتاردى جيناقتاۋ, وڭدەۋ, كاتالوگتاردى ۇيىمداستىرۋ جانە ونەر جونىندەگى ادەبيەتتەر ءبولىمى جۇمىس ىستەيدى. كىتاپ قورىن ەلەكتروندى نۇسقاعا اۋىستىرۋ جۇمىستارى دا جۇيەلى جۇرگىزىلۋدە.
ساتىبالدى ءساۋىرباي.
دەرەك: egemen.kz.
سۋرەت: aktobe.gov.kz.