باۋىرجان تولەگەن ۇلى الەنوۆ قازاقستان رەسپۋبليكاسى ىشكى ىستەر ءمينيسترىنىڭ ءبىرىنشى ورىنباسارى لاۋازىمىنا تاعايىندالدى, دەپ حابارلايدى Egemen.kz اقوردا ءباسپاسوز قىزمەتىنە سىلتەمە جاساپ.
مەملەكەت باسشىسىنىڭ وكىمىمەن باۋىرجان تولەگەن ۇلى الەنوۆ قازاقستان رەسپۋبليكاسى ىشكى ىستەر ءمينيسترىنىڭ ءبىرىنشى ورىنباسارى لاۋازىمىنا تاعايىندالدى.
باۋىرجان الەنوۆ 1976 جىلى 8 قاراشادا اقمولا وبلىسىندا ومىرگە كەلگەن.
2004 جىلى «فەميدا» زاڭ ينستيتۋتىن, 2012 جىلى قاراعاندى زاڭ ينستيتۋتىنىڭ ماگيستراتۋراسىن تامامداعان. ىشكى ىستەر ورگاندارىنداعى قىزمەتىن 1997 جىلدىڭ مامىر ايىندا باستادى.
ول 2021 جىلدىڭ قاڭتار ايىنان باستاپ قازاقستان ءىىم جەدەل قىزمەت دەپارتامەنتىنىڭ باستىعى, وعان دەيىن قازاقستان ءىىم جەتىنشى دەپارتامەنتىنىڭ باستىعى بولعان.
الماتى وبلىسىنىڭ پوليتسيا دەپارتامەنتىن 2022 جىلدىڭ قاڭتار ايىنان بەرى باسقارعان.