اتىراۋ وبلىستىق اۋماقتىق رەفەرەندۋم كوميسسياسىنىڭ مالىمەتىنشە, داۋىس بەرۋ قۇقىعىنا يە ازاماتتاردىڭ سانى – 411 880. داۋىس بەرۋدىڭ اشىقتىعى مەن زاڭدىلىعىن باقىلايتىن 7 ۇيىم اكرەديتتەلگەن.
«بۇگىن وڭىردە 283 رەفەرەندۋم كوميسسياسى جۇمىس ىستەيدى. ونىڭ 9-ى – اۋماقتىق, 274-ءى – ۋچاسكەلىك. جالپى كوميسسيالاردا 2037 مۇشە بار. داۋىس بەرۋ پروتسەسسى ۆاحتالىق قالاشىقتاردا ءوتىپ جاتىر. بۇل جۇمىستى 38 ۋچاسكەلىك كوميسسيا جۇزەگە اسىرادى. بارلىق ۋچاسكە ماتەريالدىق-تەحنيكالىق قۇرال-جابدىقتارمەن قامتاماسىز ەتىلگەن», دەپ حابارلادى وبلىستىق اۋماقتىق كوميسسيادان.
اتىراۋ قالاسى مەن اۋدانداردا مۇمكىندىگى شەكتەۋلى جاندار ءۇشىن 100-گە جۋىق ينۆاتاكسي ۇيىمداستىرىلعان. سونداي-اق 15-كە جۋىق سۋردواۋدارماشى بار. ۋچاسكەلەرگە تاكتيلدى بەلگىلەر ورناتىلعان. كوزى ناشار كورەتىن سايلاۋشىلار اۋديونۇسقانى تىڭداعاننان كەيىن ترافارەتتەرمەن قامتاماسىز ەتىلگەن.
سونداي-اق تىركەۋى جوق, سول سەبەپتەن ەشبىر ۋچاسكەدە تىزىمگە ەنبەگەن ازاماتتاردىڭ داۋىس بەرۋ ءۇشىن ۋچاسكەگە تىركەلۋگە, داۋىس بەرۋگە مۇمكىندىگى بار. بۇل قىزمەت اتىراۋ قالاسىنداعى 5 ۋچاسكەدە كورسەتىلەدى.