استانانىڭ سارىارقا اۋدانىنداعى كونستيتۋتسيا كوشەسى, 25 مەكەنجايىندا قازاقتىڭ كورنەكتى وپەرا ءانشىسى جانە حالىق ءارتىسى كۇلاش بايسەيىتوۆاعا ارنالعان جاڭا مۇرال پايدا بولدى, دەپ حابارلايدى Egemen.kz.
بۇل تۋرالى قالالىق اكىمدىكتىڭ رەسمي سايتى مالىمدەدى.
«15 مەترلىك سۋرەت ءوزىنىڭ اۋقىمىمەن عانا ەمەس, تەرەڭ سيمۆوليزمىمەن دە نازار اۋدارادى. مۋرال بايسەيىتوۆا شىعارماشىلىعىنىڭ بىرەگەيلىگى مەن جان-جاقتىلىعىن بەينەلەيدى, ول قازاقستان مادەنيەتى تاريحىنداعى كورنەكتى تۇلعاعا اينالدى. جارقىن جانە مانەرلى سۋرەت ونىڭ وپەرا مەن ۇلتتىق مۋزىكانىڭ دامۋىنا قوسقان ەلەۋلى ۇلەسىن ەسكە سالادى», دەپ جازىلعان حابارلامادا.
جۇمىستىڭ قىزىقتى ەرەكشەلىگى - مۇرال پۋانتيليزم تەحنيكاسىمەن ورىندالعان, ونداعى كەسكىن كوپتەگەن نۇكتەلەردىڭ كومەگىمەن جاسالعان.
مۇرالدىڭ اۆتورى اداي يساجانوۆ زاماناۋي كوركەمدىك تەحنيكالار ارقىلى ۇلى ءانشىنىڭ بەينەسىن جانداندىردى.