اقتوبە وبلىسىندا جەڭىل كولىكتەر تيەلگەن جۇك ماشيناسى ورتەندى. كولىك جۇرگىزۋشىسى مەن وعان كومەككە ۇمتىلعان كۋاگەر زارداپ شەكتى, دەپ حابارلايدى Egemen.kz.
توتەنشە جاعدايلار مينيسترلىگىنىڭ مالىمدەۋىنشە وقيعا سامارا-شىمكەنت تاسجولىندا بولعان. ءورتتىڭ شىعۋىنا جۇككولىگىنىڭ قوزعالتقىش بولىگىنىڭ ىستەن شىعۋى سەبەپ بولعان.
ورتسوندىرۋشىلەر ءۇش كولىكتى امان الىپ قالدى, قالعان ءۇش كولىك جالىنعا وراندى.
«وقيعا كەزىندە 1996 جىلى تۋعان جۇرگىزۋشى جانە 1994 جىلى تۋعان قىرعىزستان ازاماتى اۋداندىق اۋرۋحاناعا جەتكىزىلدى. ەكەۋى دە بەلگىلى ءبىر دارەجەدە كۇيىك العان», دەلىنگەن ۆەدوموستۆو حابارلاماسىندا.