پرەمەر-مينيستر ولجاس بەكتەنوۆ ەرەۆان قالاسىنداعى ەۋرازيالىق ۇكىمەتارالىق كەڭەستىڭ (ەۇاك) وتىرىسىنا قاتىستى, سونداي-اق ەاەو-عا قاتىسۋشى ەلدەر ۇكىمەت باسشىلارىمەن وداقتىڭ تسيفرلىق كۇن ءتارتىبىن «زاماناۋي تسيفرلاندىرۋ – ءتورت ەركىندىكتى قامتاماسىز ەتۋ يمپەراتيۆى» ءۇشىنشى ەۋرازيالىق ەكونوميكالىق فورۋمى اياسىندا تالقىلادى.
ەكونوميكالىق ۇدەرىستەردى تسيفرلاندىرۋ كەلەشەگى تالقىلانعان ەۋرازيالىق ەكونوميكالىق فورۋمنىڭ پلەنارلىق وتىرىسىنا ارمەنيا, بەلارۋس, قىرعىزستان, رەسەي, وزبەكستان ۇكىمەتتەرىنىڭ باسشىلارى, سونداي-اق يراننىڭ ءبىرىنشى ۆيتسە-پرەزيدەنتى قاتىستى.
پرەمەر-مينيستر سوزىندە مەملەكەت باسشىسى قاسىم-جومارت توقاەۆ ەاەو شەڭبەرىندە تسيفرلاندىرۋدى دامىتۋعا ەرەكشە كوڭىل ءبولىپ وتىرعانىن اتاپ ءوتتى. فورۋمدا قازاقستان تاراپى قاتىسۋشى ەلدەر اراسىندا مەملەكەتارالىق دەرەكتەر مەن ەلەكتروندى قۇجاتتار الماسۋعا مۇمكىندىك بەرەتىن وداقتىڭ ينتەگراتسيالانعان اقپاراتتىق جۇيەسىن تولىققاندى ەنگىزۋ قاجەتتىگىن اتاپ ءوتتى.
ەۇاك وتىرىسىندا شاعىن, سونداي-اق كەڭەيتىلگەن قۇرامدا ساۋدا, كولىك پەن لوگيستيكا, اوك سالالارىنداعى ءوزارا ءىس-قيمىلدى ودان ءارى نىعايتۋدىڭ بىرلەسكەن شارالارى قارالدى.