پارلامەنت سەناتىنىڭ توراعاسى ماۋلەن اشىمباەۆ باستاعان اەس سالۋدى قولداۋ جونىندەگى حالىق شتابىنىڭ مۇشەلەرى جەتىسۋ وبلىسىنا بارىپ, ءوڭىر جۇرتشىلىعىمەن الداعى رەفەرەندۋمعا قاتىستى وزەكتى ماسەلەلەردى جانە ەنەرگەتيكا سالاسىن دامىتۋ پەرسپەكتيۆالارىن تالقىلادى. ساپار بارىسىندا دەپۋتاتتار ساراپشىلارمەن جانە قوعام قايراتكەرلەرىمەن بىرگە وبلىستاعى وندىرىستىك كاسىپورىنداردىڭ ەڭبەك ۇجىمدارىمەن, سونداي-اق بەلسەندى جاستارمەن كەزدەستى, دەپ حابارلايدى Egemen.kz ۆەدومستۆونىڭ ءباسپاسوز قىزمەتىنە سىلتەمە جاساپ.
كەزدەسۋ بارىسىندا سەنات توراعاسى اەس سالۋ ماسەلەسىنە قاتىستى جالپىۇلتتىق رەفەرەندۋم «حالىق ۇنىنە قۇلاق اساتىن مەملەكەت» تۇجىرىمداماسىن ىسكە اسىرۋدىڭ جارقىن كورىنىسى ەكەنىنە نازار اۋداردى. سونداي-اق پالاتا سپيكەرى بۇل باستامانىڭ ستراتەگيالىق سيپاتى مەن ەل ەكونوميكاسىنا تيگىزەر اسەرىنە توقتالىپ, الداعى رەفەرەندۋمدا ءاربىر قازاقستاندىقتىڭ داۋىسى ماڭىزدى ءرول اتقاراتىنىن اتاپ ءوتتى.
«پرەزيدەنتىمىز قاسىم-جومارت كەمەل ۇلى توقاەۆ 6 قازاندا اتوم ەلەكتر ستانساسىن سالۋ ماسەلەسىنە قاتىستى رەسپۋبليكالىق رەفەرەندۋم وتكىزىلەتىنىن جاريالادى. سوعان سايكەس ءبىز وزدەرىڭىزبەن اتالعان باستامانى جانە جالپى ەنەرگەتيكا سالاسىن دامىتۋ پەرسپەكتيۆالارىن تالقىلاۋ ءۇشىن ارنايى كەلىپ تۇرمىز. وسى اپتادا وتەتىن جالپىۇلتتىق رەفەرەندۋم قازاقستاننىڭ ودان ءارى دامۋى جولىندا ستراتەگيالىق ماڭىزعا يە. سوندىقتان ءبارىمىز جۇدىرىقتاي جۇمىلىپ, ەلىمىزدىڭ جانە وسكەلەڭ ۇرپاقتىڭ بولاشاعىنا زور اسەرىن تيگىزەتىن ماڭىزدى شەشىمدى بىرگە قابىلداۋىمىز كەرەك. وسىعان بايلانىستى بارشا قازاقستاندىقتى رەفەرەندۋمعا بەلسەندى قاتىسىپ, ءوز تاڭداۋلارىن جاساۋعا شاقىرامىن», دەدى ماۋلەن اشىمباەۆ.
سونىمەن قاتار شتاب مۇشەلەرى اقپاراتتىق جۇمىس اياسىندا كوپ بالالى انالار, مۇمكىندىگى شەكتەۋلى جاندار جانە الەۋمەتتىك از قامتىلعان ساناتتاعى ازاماتتار جۇمىس ىستەيتىن «ايسۇلۋ» تىگىن فابريكاسىنىڭ ۇجىمىمەن, سونداي-اق, قالا قۇرىلىسىمەن اينالىساتىن «تەمىربەتون» كاسىپورنىنىڭ قىزمەتكەرلەرىمەن كەزدەستى.
كەزدەسۋلەر بارىسىندا وتاندىق وندىرۋشىلەردى قولداۋ ماسەلەلەرى, وسى باعىتتاعى زاڭنامالىق نورمالار جانە رەفەرەندۋمنىڭ ماڭىزى كەڭىنەن تالقىلاندى. ءىس-شارالار كەزىندە ەڭبەك ۇجىمدارى ءوز پىكىرلەرىن ءبىلدىرىپ, اتوم ەلەكتر ستانساسىنىڭ پايداسى مەن ودان تۋىندايتىن تاۋەكەلدەرگە نازار اۋداردى.
ءوڭىر تۇرعىندارىمەن جانە بەلسەندى جاستارمەن كەزدەسۋدە وندىرىسكە قاجەتتى جاڭا تاسىلدەردى زەردەلەۋدىڭ جانە يننوۆاتسيالىق تەحنولوگيالاردى ەنگىزۋدىڭ يگىلىگ ءسوز بولدى.