قازاقستاندا 100 جاساعان جانە ودان دا ۇلكەن جاستاعى 423 قارت بار. ولاردىڭ ەڭ ۇلكەنى 114 جاستاعى كەيۋانا ۇلىتاۋ وبلىسىندا تۇرادى, دەپ حابارلايدى Egemen.kz.
ەڭبەك جانە حالىقتى الەۋمەتتىك قورعاۋ مينيسترلىگىنىڭ ءباسپاسوز قىزمەتىنىڭ مالىمەتىنشە ەڭ كوپ ءومىر سۇرەتىندەردىڭ سانى بويىنشا كوش باستاپ تۇرعان تۇركىستان وبلىسىندا 100 جانە ودان جوعارى جاستاعى 64 ادام بار ەكەن. ەكىنشى ورىندا تۇرعان الماتى قالاسىندا 100-دەن اسقان 48 ادام بار. ءۇشىنشى ورىندا الماتى وبلىسى تۇر, وندا 100 جانە ودان جوعارى جاستاعى 38 ادام تۇرادى.
ەڭ قارت وتانداستارىمىزدىڭ ۇشتىگى بويىنشا ۇلىتاۋ وبلىسى تۇرعىنى – 114-تە, پاۆلودار وبلىسىنداعى قارت – 112-دە, تۇركىستان وبلىسىندا تۇراتىن قارت – 110-عا كەلگەن.
ەستەرىڭىزگە سالايىق, جىل سايىن بۇكىل الەمدە, ونىڭ ىشىندە قازاقستاندا دا 1 قازاندا حالىقارالىق قارتتار كۇنى اتاپ وتىلەدى. اتالعان مەرەكەنى 1990 جىلى 14 جەلتوقساندا بىرىككەن ۇلتتار ۇيىمىنىڭ باس اسسامبلەياسى 45 سەسسيادا جاريالادى.