پەتروپاۆلدا جۇرگىنشىلەر جولاعىنان ءوتىپ بارا جاتقان 17 جاستاعى ءجاسوسپىرىمدى جۇك كولىگى قاقتى, دەپ حابارلايدى Egemen.kz اقپارات اگەنتتىگى.
سولتۇستىك قازاقستان وبلىسى پوليتسيا دەپارتامەنتى ءباسپاسوز قىزمەتىنىڭ مالىمەتىنشە, وقيعا پەتروپاۆلداعى جامبىل جانە چەليۋسكين كوشەلەرىنىڭ قيىلىسىندا بولعان.
-زيل كو-510" جۇك كولىگىنىڭ 49 جاستاعى جۇرگىزۋشىسى جاياۋ جۇرگىنشىلەر وتكەلىنەن ءوتىپ بارا جاتقان وبلىس ورتالىعىنىڭ 17 جاستاعى تۇرعىنىن قاعىپ كەتتى. ءتۇرلى دەنە جاراقاتىن العان ءجاسوسپىرىم جەدەل جاردەم كولىگىمەن ەمدەۋ مەكەمەسىنە جەتكىزىلىپ, جاتقىزىلدى. اۆتوكولىك مامانداندىرىلعان ايىپ تۇراعىنا قويىلدى, - دەپ جازدى قازاقپارات پوليتسيانىڭ اقپاراتىن.
جۇرگىزۋشى مەديتسينالىق كۋالاندىرۋعا جىبەرىلدى, الدىن الا مالىمەت بويىنشا - ماس ەمەس. ابايسىزدا ادامنىڭ دەنساۋلىعىنا اۋىر زيان كەلتiرۋگە اكەپ سوققان جول ءجۇرىسى قاعيدالارىن بۇزۋ فاكتىسى بويىنشا سوتقا دەيىنگى تەرگەۋ باستالدى.
سقو دەنساۋلىق ساقتاۋ باسقارماسى ءباسپاسوز قىزمەتىنىڭ مالىمەتىنشە, ءجاسوسپىرىم وبلىستىق كوپبەيىندى بالالار اۋرۋحاناسىنا جاتقىزىلعان, جاعدايى اۋىر.