الەۋمەتتىك جەلىدە جانە كەيبىر باق بەتتەرىندە ەلىمىزدە جەدەل جاردەم قىزمەتى ءتورتىنشى ساناتتاعى شاقىرتۋلارعا تاۋلىك بويى قىزمەت كورسەتۋدى توقتاتۋى مۇمكىن دەگەن اقپارات تارادى. وسىعان وراي قر دەنساۋلىق ساقتاۋ مينيسترلىگىنىڭ ءباسپاسوز قىزمەتى تۇسىنىك بەردى, دەپ حابارلايدى Egemen.kz.
ەل ازاماتتارى جەدەل جاردەمنىڭ قىزمەتىنە ءجيى شاعىم تۇسىرەدى. ولاردىڭ شاعىمدارىنا تالداۋ جۇرگىزۋ بارىسىندا شاقىرتۋلاردىڭ 50%-دان استامى شۇعىلدىقتىڭ ءتورتىنشى ساناتىنا جاتاتىنىن كورسەتتى, بۇل ەمحانالاردى قوسا العاندا, مەديتسينالىق-سانيتاريالىق العاشقى كومەك ۇيىمدارىنىڭ (مساك) باقىلاۋىنداعى سوزىلمالى اۋرۋلارى بار پاتسيەنتتەرگە قىزمەت كورسەتۋدى بىلدىرەدى.
«وسىعان بايلانىستى مينيسترلىك مەديتسينالىق-سانيتاريالىق العاشقى كومەك كورسەتۋ ستاندارتىنا جانە جەدەل مەديتسينالىق كومەك كورسەتۋ قاعيدالارىنا وزگەرىستەر جوباسىن ازىرلەدى. وزگەرىستەر ۇيدە قىزمەت كورسەتۋدى توقتاتاتىنىن بىلدىرمەيدى, كەرىسىنشە مەديتسينالىق قىزمەتتەردىڭ قولجەتىمدىلىگى مەن ساپاسىن جاقسارتۋعا باعىتتالعان. دارىگەردى ۇيگە شاقىرتۋلاردى تىركەۋگە جانە ۇيدەگى ستاتسيونارلاردى ۇيىمداستىرۋعا قاتىستى تارماقتار قۇجاتتىڭ قۇرىلىمىن جاقسارتۋ ءۇشىن جوبانىڭ باسقا بولىمىنە اۋىستىرىلدى, بىراق ولار كۇشىندە قالادى. مساك-تىڭ مەديتسينا قىزمەتكەرلەرى الدىڭعى ستاندارتتىڭ شەڭبەرىندە ۇيدە كومەك كورسەتۋدى جالعاستىرادى», دەلىنگەن حابارلامادا.
دەنساۋلىق ساقتاۋ مينيسترلىگى قىزمەت كورسەتۋ ساپاسى مەن ازاماتتاردىڭ قاناعاتتانۋشىلىعىن ارتتىرۋ ءۇشىن مەديتسينالىق كومەك كورسەتۋ جۇيەسىن جەتىلدىرۋ بويىنشا جۇمىستى جالعاستىرادى.