سۋ رەسۋرستارى جانە يرريگاتسيا ۆيتسە-ءمينيسترى نۇرلان الدامجاروۆ وكق الاڭىندا ۆەدومستۆو قۇرىلعاننان بەرى اتقارىلعان جۇمىستار تۋرالى ايتتى, دەپ حابارلايدى Egemen.kz وكق مالىمەتىنە سىلتەمە جاساپ.
ءباسپاسوز كونفەرەنتسياسى بارىسىندا سپيكەر 1 جىل ىشىندە نەگىزگى 2 قۇجات ازىرلەنگەنىن اتاپ ءوتتى.
ءبىرىنشىسى - 2030 جىلعا دەيىن سۋ رەسۋرستارىن باسقارۋدى دامىتۋدىڭ تۇجىرىمداماسى. وندا جالپى 160-قا جۋىق ءىس-شارا قاراستىرىلعان, ونىڭ ىشىندە, 42 جاڭا سۋ قويماسىن سالۋ, 37 سۋ قويماسىن قالپىنا كەلتىرۋ جوسپارلانعان. بۇل – 2 ملرد تەكشە مەتر سۋدى جيناۋعا مۇمكىندىك بەرەدى. سونداي-اق 14,5 مىڭنان استام شاقىرىم يرريگاتسيالىق جۇيەلەر قالپىنا كەلتىرىلەدى.
«ەكىنشىسى - جاڭا سۋ كودەكسى. قۇجات قازىر ءماجىلىستىڭ قاراۋىندا جانە جىل سوڭىنا دەيىن قابىلدانادى. سونىمەن قاتار يەسىز قالعان سۋ شارۋاشىلىق نىساندارى مەملەكەت مەنشىگىنە قابىلداندى, وزگە جۇمىستار جالعاسىن تابادى», دەدى ۆيتسە-مينيستر.