ەلدى وركەندەتۋ باعىتىنداعى ەڭ جاۋاپتى ءىس مەملەكەتتىك قىزمەتشىلەرگە جۇكتەلەتىنى ءمالىم. مەملەكەتتىك قىزمەتشىگە وسىنداي جوعارى تالاپ قويىلسا, وندا ونىڭ قۇقىقتارىنىڭ قورعالۋى مەن الەۋمەتتىك كەپىلدىكتەرىنىڭ ساقتالۋى دا ءتيىستى دەڭگەيدە بولۋى شارت.
بۇل رەتتە مەملەكەتتىك قىزمەت ىستەرى اگەنتتىگى مەن ونىڭ اۋماقتىق بولىمشەلەرىنىڭ قىزمەتىنىڭ باسىم باعىتتارىنىڭ بىرىنە مەملەكەتتىك قىزمەتشىلەردىڭ قۇقىعىن قورعاۋ جاتادى. وسى باعىتتا اگەنتتىكتىڭ اقتوبە وبلىسى بويىنشا دەپارتامەنتىمەن بىرگە بىرقاتار تالداۋ جۇرگىزىلدى. سونىڭ بىرىنە توقتالساق, مەملەكەتتىك قىزمەتشىلەرگە ەڭبەك دەمالىسىن بەرۋ مەن ءىسساپار شىعىندارىن تولەۋ ماسەلەلەرىنە جۇرگىزىلگەن تالداۋ ناتيجەسىندە وڭىردەگى مەملەكەتتىك ورگانداردىڭ 29 مەملەكەتتىك قىزمەتشىسىنىڭ قۇقىعى بۇزىلعان. دالىرەك ايتقاندا, دەپارتامەنت جۇرگىزگەن تالداۋعا سۇيەنسەك, مەملەكەتتىك ورگاندار تاراپىنان مەملەكەتتىك قىزمەتشىلەرگە ءىسساپار شىعىندارى زاڭنامادا بەكىتىلگەن مولشەرگە سايكەس تولىق تولەنبەگەنى انىقتالدى. وسى تالداۋ ناتيجەلەرى اقتوبە وبلىسىنداعى ادەپ جونىندەگى كەڭەستە قارالىپ, سونداعى شەشىممەن مەملەكەتتىك قىزمەتشىلەرگە تيەسىلى تولەم وتەلدى.
Cونىمەن قاتار جۇمىس ۋاقىتى رەجىمىنىڭ ساقتالۋىنا قاتىستى جۇرگىزىلگەن تالداۋ ناتيجەسىندە 121 مەملەكەتتىك قىزمەتشىگە ۇستەمە جۇمىس اتقارعانى ءۇشىن تىنىعۋ ساعاتتارى بەرۋ جونىندە شەشىم قابىلداندى.
بۇعان قوسا مەملەكەتتىك قىزمەتشىلەردىڭ قۇقىقتارىن قورعاۋدىڭ ءبىر قۇرالى – يكەمدى جۇمىس كەستەسىن جانە قاشىقتان جۇمىس ىستەۋ مۇمكىندىكتەرىن قولدانۋ. اتاپ ايتقاندا, بۇل جۇمىس بەرۋشىنىڭ كەلىسىمى بويىنشا قىزمەتكەرگە جۇمىس كۇنىنىڭ باسقا ءتارتىبى بەلگىلەنۋى مۇمكىن. ياعني مەملەكەتتىك قىزمەتشىلەر اتالعان رەجىمدى بەلگىلەۋ تۋرالى وتىنىشپەن جۇگىنۋگە قۇقىلى. مىسالى, بالانى تاڭەرتەڭ مەن كەشكە بالاباقشادان نەمەسە مەكتەپتەن الىپ كەتۋ سياقتى سەبەپتەر كورسەتىلەدى. وسىلايشا, بۇل مۇمكىندىكتى بيىلدان باستاپ 21 مەملەكەتتىك ورگاننىڭ 52 مەملەكەتتىك قىزمەتشىسى پايدالانىپ جاتىر.
اتالعان باعىتتاعى جۇمىستاردى ناتيجەلى جۇزەگە اسىرۋ ايرىقشا ماڭىزدى. ويتكەنى وسىناۋ شارالار ارقىلى مەملەكەتتىك قىزمەتشىلەر اراسىندا زاڭ ۇستەمدىگى سەزىلىپ, مەملەكەتتىك قىزمەتكە سەنىمىن نىعايتۋعا مۇمكىندىك بەرەدى.
مەملەكەتتىك قىزمەتشىلەردىڭ قۇقىقتارى مەن زاڭدى مۇددەلەرى بۇزىلعان جاعدايلاردا ولاردى قورعاۋعا جانە قالپىنا كەلتىرۋگە باعىتتالعان شارالاردى قابىلدايتىن ادەپ جونىندەگى ۋاكىل ينستيتۋتى بار. جوعارىدا ايتىلعانداي بۇزۋشىلىقتاردىڭ الدىن الۋ ماقساتىندا جۇمىستار جۇرگىزۋ ءۇشىن اتالعان كەڭەسپەن بىرگە وڭىردەگى ادەپ جونىندەگى ۋاكىلدەرگە ۇسىنىستار ايتىلىپ, ءتيىستى تاپسىرمالار بەرىلەدى.
ايبەك ءشىلمانوۆ,
مەملەكەتتىك قىزمەت ىستەرى اگەنتتىگى اقتوبە وبلىسى بويىنشا دەپارتامەنتىنىڭ باسشىسى, ادەپ جونىندەگى كەڭەس توراعاسى