الماتى وبلىسىنىڭ پروكۋراتۋراسى تالداۋ جۇمىستارى بارىسىندا جۇمىسشىلاردىڭ زەينەتاقى قۇقىقتارى بۇزىلعاندىعىن انىقتادى, دەپ حابارلايدى Egemen.kz.
ەسكە سالا كەتەيىك, جىل باسىنان بەرى الەۋمەتتىك كودەكستىڭ جاڭا ەرەجەلەرى قولدانىسقا ەنگىزىلدى, وعان سايكەس جۇمىس بەرۋشىلەر جۇمىسكەرلەردىڭ تابىسىنىڭ 1,5%-ىن زەينەتاقى قورىنا قوسىمشا تولەۋگە مىندەتتى. 2028 جىلعا قاراي بۇل مولشەرلەمە بىرتىندەپ 5%-عا دەيىن كوتەرىلەدى.
«جۇرگىزىلگەن تالداۋ كورسەتكەندەي, كوپتەگەن جۇمىس بەرۋشى بۇل وزگەرىستەر تۋرالى بىلمەگەن, اتاپ ايتقاندا 718 كومپانيا 12 مىڭ جۇمىسكەرگە زەينەتاقى قورىنا جارنا تولەمەگەن», دەپ ءتۇسىندىردى وبلىستىق پروكۋراتۋرا.
قابىلدانعان شارالار ناتيجەسىندە كومپانيالار حابارلاندىرىلىپ, جۇمىسكەرلەردىڭ زەينەتاقى قۇقىقتارى قالپىنا كەلتىرىلگەن. قازىرگى تاڭدا جۇمىس بەرۋشىلەر زەينەتاقى قورىنا 120 ملن تەڭگەدەن استام سومانى اۋدارعانى بەلگىلى بولدى.