جاڭارعان ساباق پەن داعدى

وقۋ-اعارتۋ مينيسترلىگى تا­رات­قان اقپاراتقا سۇيەنسەك, قا­ۋىپ­سىزدىك ساباعى اپتا سايىن سىنىپ ساعاتى اياسىندا 10 مينۋتتان وت­كى­زىلەدى, تاقىرىپ جىلىنا ءۇش رەت قايتالانادى. بالالاردىڭ قۇ­قىق­تارىن قورعاۋ كوميتەتىنىڭ توراعاسى ناسىمجان وسپانوۆا جاڭا ساباقتىڭ قاجەتتىلىگى تۋرالى: «ساباقتار بالالاردىڭ جاس ەرەكشەلىكتەرى مەن دامۋ دەڭگەيىن ەسكەرە وتىرىپ, ولاردىڭ ءارتۇرلى ومىرلىك جاعدايلاردا ءوز ءىس-ارەكەتتەرىنە سەنىمدىلىگىن قالىپتاستىرۋعا باعىتتالعان. ءبىزدىڭ مىندەتىمىز – بالالارعا قاجەتتى اقپاراتتى بەرىپ قانا قويماي, ءتۇرلى جاعدايلاردا دۇرىس ارەكەت ەتۋگە ۇيرەتۋ», دەدى.

ەندى ءبىلىم الۋشىلاردىڭ قاۋىپ­سىزدىك ساباعىندا قانداي تاقى­رىپ­تاردى مەڭگەرەتىنىنە توق­تا­لايىق. بالا­باقشالاردا اتال­عان جاڭا ساباق ەرەسەك توپ­تار­داعى بالالارعا عانا وتكىزىلەدى. مەكتەپكە دەيىنگى ۇيىم تاربيەلەنۋشىلەرى قاۋىپسىزدىك سابا­عىندا شۇعىل قىزمەتتەر مەن بايلا­نىس ورتالىقتارىنىڭ تەلەفون نومىر­لەرىن ءبىلۋ, شۇعىل قىز­مەتكە دۇرىس قوڭىراۋ شالۋ, ءوزى تۋرا­لى نەگىزگى مالىمەتتەردى ەستە ساقتاۋ, تەرەزەلەرگە بايلانىستى قاۋىپ­تەردى ۇعىنۋ, سونداي-اق بالالار الاڭ­دا­رىندا, ويىن ورتالىقتارى مەن ات­تراك­تسيونداردا ءوزىن-ءوزى ۇستاۋ ەرە­جە­لەرىن قالىپتاستىرۋ سەكىلدى قاجەت­تى داعدىلاردى مەڭگەرىپ شىعۋى كەرەك.

ال باستاۋىش سىنىپ بالالارىنا سۋ قويماسىنداعى قاۋىپتەر, ەسىكتى قاعۋ كەزىندە قاۋىپتى قالاي تانۋعا بولادى, بەيتانىس ادامدارمەن كەزدەسكەندەگى دۇرىس ارەكەت ەتۋ جولدارى, مۇز ۇستىندە ءجۇر قاۋپى, ءوزىن-ءوزى قورعاۋ, ۆيرتۋالدى دوستىقتىڭ قاۋپى جانە قاڭعىباس يتتەر كەزىككەندەگى ساقتىق شارالارى ۇيرەتىلەدى.

ورتا سىنىپ وقۋشىلارىنا قاۋىپتى چەللەندجەر تاقىرىپتارى بويىنشا ساباقتار, بوتەن ادامنىڭ شاقىرۋىن قابىلداماۋ, كوشەدەگى قاۋىپتى نىسانداردان (مىسالى, سۋبۇرقاقتار, ەلەكتر قالقاندارى) اۋلاق ءجۇرۋ, كيبەربۋللينگ جانە ودان قورعانۋ تاسىلدەرى, اتا-انالار­مەن سەنىمدى قارىم-قاتىناستىڭ ما­ڭىز­دىلىعى, ينتەرنەتتەگى قاۋىپ­تەر, سونداي-اق بالانىڭ قۇقىقتارى مەن مىن­دەتتەرى تۋرالى تاقىرىپتار وتكىزىلەدى.

جوعارى سىنىپ وقۋشىلارى مەن كوللەدجدەردىڭ 1-2 كۋرس ستۋ­دەنتتەرى الاياقتاردىڭ الداۋىنا تۇس­پەۋ جانە وزدەرىن تابىستىڭ كۇماندى تۇرلەرىنەن قورعاۋ, ونلاين-ويىن­داردىڭ تاۋە­كەل­دە­رىنەن ساقتانۋ جانە قاۋىپسىزدىكتى قامتاماسىز ەتۋ, تەرىس ەموتسيالار مەن سوزدەرگە قاتىستى دۇرىس ارەكەت ەتۋ, قاۋىپسىز ەڭبەك جاعدايلارى, اتا-انالارعا سەنىم جانە ءوز ارەكەتتەرى ءۇشىن جاۋاپ­كەر­شىلىك الۋ ەرەجەلەرىن مەڭگەرىپ شىعۋى قاجەت.

ايتا كەتەيىك, ساباقتار بالالاردى زور­لىق-زومبىلىقتان قورعاۋ, ءسۋي­تسيد­تىڭ الدىن الۋ جانە ولاردىڭ قۇ­قىق­تارى مەن سالاماتتىلىعىن قام­تاماسىز ەتۋ جونىندەگى 2023-2025 جىل­دارعا ارنالعان كەشەندى جوس­پار­­دى ىسكە اسىرۋ شەڭبەرىندە جۇر­گىزى­لەدى.