قازاقستانعا 2024 جىلدىڭ قاڭتار-ماۋسىم ايلارى ارالىعىندا 566,5 مىڭ شەتەلدىك تۋريست كەلگەن. 2023 جىلدىڭ سايكەس كەزەڭىمەن سالىستىرعاندا بۇل 50,7 مىڭ ادامعا كوپ, ياعني بىلتىر ەلگە 515,8 مىڭ شەتەلدىك كەلگەن, دەپ حابارلايدى Egemen.kz ۇلتتىق ستاتيستيكا بيۋروسىنىڭ ءباسپاسوز قىزمەتىنە سىلتەمە جاساپ.
قر تۋريزم جانە سپورت مينيسترلىگىنىڭ ءباسپاسوز قىزمەتى حابارلاعانداي, ەلىمىزگە كەلەتىن شەتەلدىك تۋريستەردىڭ گەوگرافياسى جىل سايىن كەڭەيىپ كەلەدى.
ساياحاتشىلاردىڭ ەڭ كوبى رەسەي فەدەراتسياسىنان كەلگەن – 186,1 مىڭ ادام. قىتايلىق تۋريستەر ەكىنشى ورىندا – 69 918 ادام. ءۇشىنشى ورىندا ءۇندىستاننان كەلگەن تۋريستەر (53 695 ادام) تۇر ۇزدىك بەستىككە تۇركيا (30 312) جانە اقش (19 597) ساياحاتشىلارى كىرگەن.
«اسىرەسە ءۇندىستان, تۇركيا جانە اقش سياقتى ەلدەردەن كەلەتىن شەتەلدىك تۋريستەر سانىنىڭ ارتۋى قازاقستاننىڭ الەمدىك تۋريستىك كارتاداعى تارتىمدى باعىتقا اينالىپ كەلە جاتقانىن اڭعارتادى. ءبىز تۋريزم ينفراقۇرىلىمىن دامىتىپ, الەمنىڭ تۇكپىر-تۇكپىرىنەن كەلگەن ساياحاتشىلارعا قولايلى جاعداي جاساۋدى جالعاستىرامىز», دەدى تۋريزم يندۋسترياسى كوميتەتىنىڭ توراعاسى نۇرتاس كارىپباەۆ.