جىل باسىنان بەرى كوپبالالى وتباسىلارعا بەرىلەتىن مەملەكەتتىك جاردەماقىمەن ورتا ەسەپپەن 582,7 مىڭ وتباسى قامتىلدى, ولارعا 313,7 ملرد تەڭگە تولەندى. ونىڭ ىشىندە تامىز ايىندا 577,9 مىڭ وتباسىعا 38,8 ملرد تەڭگە مولشەرىندە جاردەماقى اۋدارىلدى, دەپ حابارلايدى Egemen.kz قر ەڭبەك جانە حالىقتى الەۋمەتتىك قورعاۋ مينيسترلىگىنە سىلتەمە جاساپ.
بۇل مەملەكەتتىك جاردەماقىعا 4 جانە ودان دا كوپ بىرگە تۇراتىن كامەلەتكە تولماعان نەمەسە 23 جاسقا دەيىنگى كۇندىزگى بولىمدە وقيتىن ستۋدەنت بالالارى بار وتباسىلار تابىسىنا قاراماستان ۇمىتكەر بولا الادى.
تولەم مولشەرى بالا سانىنا قاراي ەسەپتەلىپ تولەنەدى جانە 2024 جىلى:
4 بالاسى بار وتباسىلارعا – 16,03 اەك نەمەسە 59 183 تەڭگە; 5 بالاعا – 20,04 اەك نەمەسە 73 988 تەڭگە; 6 بالاعا – 24,05 اەك نەمەسە 88 793 تەڭگە; 7 بالاعا – 28,06 اەك نەمەسە 103 598 تەڭگە; 8 جانە ودان دا كوپ بالاسى بار وتباسىلارعا – ءار بالاعا 4 اەك نەمەسە 14 768 تەڭگە مولشەرىندە تولەنەدى.2024 جىلعى 1 قاڭتاردان باستاپ بالالى وتباسىلارعا تاعايىندالاتىن مەملەكەتتىك جاردەماقىلاردىڭ مولشەرى 7%-عا ارتقانىن ايتا كەتۋ كەرەك.
ال بيىل كوپبالالى وتباسىلارعا مەملەكەتتىك جاردەماقى تولەۋگە 474 ملرد تەڭگە قاراستىرىلعان.