اقتوبە وبلىسىندا 45 كەلىگە جۋىق شاياندى زاڭسىز اۋلاعان ەكى ازامات ۇستالعان, دەپ حابارلايدى Egemen.kz Polisia.kz-كە سىلتەمە جاساپ.
پوليتسيا قىزمەتكەرلەرى بالىق شارۋاشىلىعى ينسپەكتسياسىمەن بىرلەسىپ ىرعىز وزەنىندە رەيدتىك ءىس-شارالاردى جۇرگىزگەن. شارا بارىسىندا شايانداردى زاڭسىز اۋلاعان ەكى ازامات ۇستالعان.
حابارلانعانداي, كۇدىكتىلەردەن مىڭنان استام شايان, رەزەڭكە قايىق, ءتورت شايان اۋلاۋعا ارنالعان قۇرال تاركىلەنگەن.بالىق رەسۋرستارىن, باسقا سۋ جانۋارلارىن نەمەسە وسىمدىكتەرىن زاڭسىز ءوندىرۋ فاكتىسى بويىنشا سوتقا دەيىنگى تەرگەپ-تەكسەرۋ باستالعان. اتالعان فاكتى بويىنشا كەلتىرىلگەن زالال انىقتالىپ جاتىر.