قازگيدرومەت ماماندارى استانا مەن تاعى ەك قالا تۇرعىندارىنا ەسكەرتۋ جاسادى, دەپ حابارلايدى Egemen.kz.
«2024 جىلدىڭ 16 قىركۇيەگىندە الماتى, تۇندە وسكەمەن, ريددەر قالالارىندا اۋا شەكتەن تىس لاستانادى دەپ كۇتىلەدى», دەلىنگەن حابارلامادا.
سينوپتيكتەر قازاقستان اۋماعىنداعى سينوپتيكالىق جاعداي مەن قاۋىپتى اۋا رايى قۇبىلىستارى بويىنشا بولجامىن ۇسىندى.
«قازاقستاننىڭ سولتۇستىگىندە, سولتۇستىك-باتىسىندا, شىعىسىندا جانە ورتالىعىندا فرونتالدى بولىكتەردىڭ اسەرىنەن جاڭبىر جاۋىپ, نايزاعاي وينايدى. رەسپۋبليكا بويىنشا جەل كۇشەيەدى, وڭتۇستىكتە شاڭدى داۋىل سوعادى, سولتۇستىكتە, شىعىستا, ورتالىقتا جانە وڭتۇستىك-شىعىستىڭ تاۋلى ايماقتارىندا تۇنگى جانە تاڭعى ۋاقىتتاردا تۇمان كۇتىلەدى», دەپ حابارلادى مەتەورولوگتار.
سونىمەن قاتار اباي اۋدانىنىڭ ورتالىعىندا, شىعىس قازاقستان, سولتۇستىك قازاقستان, اقمولا وبلىستارىنىڭ سولتۇستىگىندە جانە جەتىسۋ وبلىسىنىڭ تاۋلى ايماقتارىندا 1-2 گرادۋس اياز كۇتىلەدى.