كەلەلى كونفەرەنتسيا جەمىسى

«Google»-مەن ىنتىماقتاستىق

«Google»-مەن ىنتى­ماق­تاس­تىعىمىز ەلىمىزدىڭ تسيفرلىق ەكونوميكاسىن ايتارلىقتاي دامىتاتىنى انىق. ءبىز بىرلەسىپ ەلدىڭ ينفراقۇرىلىمىن جاڭ­عىرتىپ قانا قويماي, يننوۆاتسيالاردى دامىتۋعا جانە جۇمىس ورىندارىن قۇرۋعا ىقپال ەتەتىن پلاتفورمالار جاسايمىز. وسىناۋ ىنتى­ماق­تاستىق ناتيجەسىندە ەلى­مىز حالىقارالىق ارەنادا تسيفر­لىق ترانسفورماتسيا باعى­تىندا جەتەكشى ورىنعا يە بولادى دەپ سەنەمىز», دەدى تسيفرلىق دامۋ, يننوۆاتسيا­لار جانە اەروعارىش ونەر­­­­­­­­­كا­سى­بى ءمينيسترى جاسلان ماديەۆ.

كەلىسسوز ناتيجەسىندە, ەندى ەلىمىزدىڭ جوعارى وقۋ ورىندارى «Google» كومپانياسىمەن بىرلەسىپ, «Generative AI» كۋرس­تارىن جۇرگىزەدى. ستۋدەنتتەر گەنەراتيۆتى جاساندى ينتەللەكت داعدىلارىن دامىتۋعا باعىتتالعان «Google Cloud Skills Boost» پلاتفورماسىندا تەگىن كۋرستان وتە الادى.

جوباعا ەلىمىزدىڭ جەتەكشى جوعارى وقۋ ورىندارى, اتاپ ايتساق, ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتى, ق.جۇبانوۆ اتىنداعى اقتوبە وڭىر­لىك ۋنيۆەرسيتەتى, ق.ساتباەۆ اتىنداعى ەكىباستۇز ينجەنەرلىك-تەحنيكالىق ۋنيۆەر­سيتەتى, قاراعاندى يندۋستريالىق ۋنيۆەر­سيتەتى, «SDU University», قازاق ۇلتتىق اگرارلىق زەرتتەۋ ۋنيۆەرسيتەتى, ءا.ساعىنوۆ اتىنداعى قاراعاندى تەحني­كالىق ۋني­ۆەرسيتەتى, Astana IT ۋنيۆەر­سي­تەتى, قازاق­ستان-بريتان تەحنيكالىق ۋني­ۆەر­­سي­تەتى, ­ع.داۋكەەۆ اتىنداعى الماتى ەنەر­گەتيكا جانە بايلانىس ۋنيۆەرسيتەتى, شاكا­رىم ۋنيۆەرسيتەتى, ەسەنوۆ ۋني­ۆەر­­­سيتەتى, تورايعىروۆ ۋنيۆەرسيتەتى قا­تى­سادى.

«Google» كومپانياسىمەن بىرلەسكەن جوبا – تسيفرلىق ساۋاتتىلىقتى ارتتىرۋ جانە جاساندى ينتەللەكت سالاسىندا وزىق ءبىلىمى بار مامانداردى دايارلاۋ جولىنداعى ماڭىزدى قادام. بۇل جۇمىس «Google»-مەن ودان ءارى ىنتىماقتاستىقتى نىعايتىپ, ەلىمىزدەگى ءبىلىم دەڭگەيىن ارتتى­رۋ­عا ىقپال ەتەدى», دەدى عىلىم جانە جو­عا­رى ءبىلىم ۆيتسە-ءمينيسترى دينارا ششەگلوۆا.

قاناتقاقتى جوبا اياسىندا 6 000-نان استام قازاقستاندىق ستۋدەنت «Google Cloud Skills boost» پلاتفورماسىندا جاساندى ينتەللەكتىنىڭ وزىق يننوۆاتسيا­لارىن يگەرۋگە مۇمكىندىك الادى. ايتا كەتەيىك, گەنەراتيۆتى كۋرستار جيىنتىعى ۋنيۆەرسيتەتتەرگە ارنايى «Google Cloud Career Launchpad» باعدارلاماسى ارقىلى قولجەتىمدى.

«جاساندى ينتەللەكت سالاسىنداعى داعدىلاردى دامىتۋعا دەگەن ستراتەگيالىق كوزقاراس – قازاقستاننىڭ جي داۋىرىندەگى تابىستى تسيفرلىق ترانسفورماتسياسىنىڭ كىلتى. ءبىزدىڭ مينيسترلىكپەن بىرلەسكەن باستامامىز جوعارى بىلىكتى كادرلاردى دايارلاۋعا جانە ەلدىڭ تەحنولوگيالىق الەۋەتىن نىعايتۋعا باعىت­تالعان», دەدى كاۆكاز جانە ورتالىق ازيا ايماعى بو­يىنشا ۇكىمەتپەن بايلانىس ءارى قوعام­دىق ساياسات ءبولىمىنىڭ باسشىسى ولگا سكوروحودوۆا.

قازىردىڭ وزىندە «Google» كومپانياسى مينيسترلىكپەن بىرلەسىپ, تسيفرلىق تەحنولوگيالار ارقىلى ءبىلىم بەرۋ سالاسىن ترانسفورماتسيالاۋ بويىنشا بىرنەشە جۇمىستار اتقارىپ جاتىر. ماسەلەن, IT-HUB جوباسى اياسىندا بىلتىر 11 جەتەكشى قازاقستاندىق جوعارى وقۋ ورىندارىنان 900-دەن استام ستۋدەنت «Android» پلاتفورماسىندا جاساندى ينتەللەكت, بۇلتتى تەحنولوگيالار جانە ازىرلەمەلەر سالاسىندا وزىق داعدىلاردى يگەردى.

اتالعان كومپانيا سونىمەن قاتار ەلىمىزدەگى «Google Developer Students Clubs» اتتى 14 كلۋبتى قولدايدى. ستۋدەنتتەردى قوعامداستىققا بىرىكتىرۋ ارقىلى بۇل ۇيىم­دار تاجىريبە الماسۋعا, جوبالارمەن بىرلەسىپ جۇمىس ىستەۋگە جانە كاسىبي بايلانىستاردى دامىتۋعا قولايلى جاعداي جاسايدى. بۇل ستۋدەنتتەرگە جاڭا تەحنولوگيالاردى يگەرىپ قانا قويماي, IT قاۋىمداستىعىنىڭ ءبىر بولىگى بولۋعا ۇلكەن سەپتىگىن تيگىزەدى.

«Google» مەن تسيفرلىق دامۋ, يننوۆاتسيالار جانە اەروعارىش ونەر­كاسىبى مينيسترلىگى اراسىنداعى ستراتەگيالىق سەرىكتەس­تىك اياسىندا ستارتاپتاردى قولداۋ جانە بۇلتتى تەحنولوگيالاردى ەنگىزۋ جۇمىستارى بويىنشا دا ىلكىمدى ىستەر اتقارىلىپ جاتىر. ماسەلەن, «Google» «Astana Hub»-پەن بىرلەسىپ, كەيىنگى ەكى جىلدا 55-تەن استام ستارتاپتىڭ دامۋىن جەدەلدەتتى. سونىمەن قاتار «Silkway Accelerator» تۇلەكتەرى «Google for Startups Cloud Program» باعدارلاماسىنا قاتىسۋعا قۇقىلى, ولار ەلىمىزدە بۇلتتى تەحنولوگيالاردى ەنگىزۋگە ىقپال ەتەتىن ارتىقشىلىقتارعا يە بولادى.

«Google» الداعى جىلى دا قازاقستاندا بىرنەشە جاڭا ونىمدەر مەن قىزمەتتەردى ۇسىنباق. اتاپ ايتساق, قازاقستان ازاماتتارى قازىر ەكسپەريمەنتالدى «Gemini» جاساندى ينتەللەكت چات-بوتىنا جانە «Flood Hub» قۇرالىنا قول جەتكىزە الادى, بۇل قۇرال قاۋىمداستىقتارعا ىقتيمال تابيعي اپاتتارعا جاقسى دايىندالۋعا كومەكتەسە وتىرىپ, سۋ تاسقىنىنىڭ جەتى كۇنگە دەيىنگى ناقتى بولجامدارىن ۇسىنادى. ودان بولەك, «Google Maps» قىزمەتىندەگى «Street View» فۋنكتسياسى ەلىمىزدەگى ءارتۇرلى ورىننىڭ ەگجەي-تەگجەيلى جانە ينتەر­اكتيۆتى كورىنىستەرىن ۇسىنا وتىرىپ, تۋريستىك سالانىڭ دامۋىنا ءارى شاعىن جانە ورتا بيزنەستى قولداۋعا وڭ اسەرىن تيگىزەدى. سونىمەن قاتار «YouTube Premium»-نىڭ ەنگى­زىلۋى حالىق اراسىندا ۇلكەن قىزىعۋشىلىق تۋدىردى, اۆتور­لارعا ءوز ماز­مۇنىن ءتيىمدى مونە­تيزاتسيالاۋدىڭ جاڭا مۇم­كىندىكتەرىن ۇسى­نادى. تالقى­لاۋ قورى­تىندىسى بويىنشا مينيستر­لىك پەن «Google» كومپانيا­سى بىر­لەستىكتى ودان سايىن نىعايتىپ, بولاشاق ىنتى­ماقتاستىقتىڭ نەگىزگى باسىم­دىقتارىن بەل­گىلەدى.

«Kazakhstan Tech Solution Day»

تسيفرلىق ينكليۋزيا جانە ترانسفورماتسيا جو­نىن­دەگى ازيا-تىنىق مۇحيتى مينيسترلىك كونفەرەنتسياسىندا 30 ەلدەن كەلگەن دەلەگاتتارعا ەلىمىزدىڭ ۇزدىك ستارتاپتارى مەن ءىرى IT-كومپانيالارىنىڭ جوبالارى تانىستىرىلدى. «Kazakhstan Tech Solution Day» الاڭىندا «Astana Hub» حالىقارالىق تەحنوپاركىنىڭ باستاماسىمەن ەلىمىزدىڭ تسيفرلىق تەحنولوگيا جەتىستىكتەرىن تانىتاتىن ستارتاپتار مەن IT-كومپانيالاردىڭ بىرەگەي كورمەسى ءوتتى. مۇندا ەلىمىزدىڭ 50-دەن استام ۇزدىك ستارتابى مەن ءىرى IT-كومپانياسى جاساندى ينتەللەكت, ەكولوگيالىق تەحنولوگيالار, اقىلدى ۇيلەر, ءبىلىم بەرۋ پلاتفورمالارى, قاۋىپسىزدىك جۇيەلەرى, تسيفرلىق دەنساۋلىق ساقتاۋ, دەرەكتەر­دى تالداۋ, ەلەكتروندى كوممەرتسيا, بيو­مەتريالىق تەحنولوگيالار, ءموبيلدى قوسىمشالار جانە ەنەرگيانى باسقارۋ سالالارىنداعى ۇزدىك شەشىمدەرىن ۇسىندى. تالقىلاۋلارعا تسيفرلاندىرۋ سالاسىنداعى جەتەكشى ساراپشىلار, اتقارۋشى حاتشى ارميدا سالسيا اليشاحبانا باستاعان بۇۇ اتمەاك وكىلدەرى, ءارتۇرلى ەلدىڭ تسيفرلىق مينيسترلەرى, سونداي-اق «Amazon», «Forbes Technology Council», «Epam» سىندى جاھاندىق كومپانيالاردىڭ جەتەكشىلەرى قاتىستى.

«Kazakhstan Tech Solution Day»-دە ۇسى­نىلعان ستارتاپتار مەن كومپانيا­لار تەك جو­عارى يننوۆاتسيا دەڭگەيىن كورسەتىپ قانا قويماي, ءومىر ءسۇرۋ ساپاسىن جاقسارتىپ, تۇراقتى دامۋعا ەلەۋلى ۇلەس قوسىپ كەلەدى. مىسالى, «Ozim Platform» بەيىمدەلگەن ءبىلىم بەرۋ باعدارلامالارى ارقىلى مۇم­كىن­دىگى شەكتەۋلى جاندارعا قولداۋ كور­سەتسە, «Global Green Hub» تۇراقتى دامۋ ءۇشىن ەكولوگيالىق تەحنولوگيالاردى ازىرلەيدى. ال «Livin» ءومىر ساپاسىن جاقسارتۋعا ارنالعان تسيفرلىق شەشىمدەر جاساسا, «BeyimTech» ءارتۇرلى سالا­داعى تيىمدىلىكتى ارتتىرۋعا جا­سان­­دى ينتەللەكت پەن اناليتيكالىق شە­شىم­­دەردى دامىتادى. «Oqylyq» بالا­لار­دىڭ ساۋات­تىلىعىن ارتتىرۋعا كومەك­تەس­سە, «Ziz inc» IoT تەحنولوگياسىمەن اقىلدى ءۇي شەشىمدەرىن ازىرلەيدى, ال «Qoshqar Energy» ستارتابى جاڭارتىلاتىن ەنەرگيا مەن كومىر­تەگى ءىزىن ازايتۋعا باعىتتالعان», دەدى «Astana Hub» باس ديرەكتورى ماعجان ماديەۆ.

ايتا كەتەيىك, كونفەرەنتسيا اياسىندا ۇيىمداستىرىلعان «Kazakhstan Tech Solution Day» الاڭىنىڭ باس دەمەۋشىسى – جەتەكشى قازاقستاندىق تەحنولوگيالىق كومپانيا «Kaspi.kz» بولدى. سونىمەن قاتار ءىس-شارانى «Freedom Bank» پەن «inDrive» پلاتفورمالارى قولدادى. بۇل – بيزنەستىڭ ەلىمىزدەگى تسيفرلىق الەۋەتتى دامىتۋعا دەگەن قىزىعۋشىلىعىنىڭ جوعارى دەڭگەيىن ايقىندايدى.

«Kazakhstan Tech Solution Day» – تەك ءىت-سالاسىنداعى جەتىستىكتەردى كور­سەتۋ مۇم­كىندىگى عانا ەمەس, سونىمەن قاتار قازاقستاندا ءارى دۇنيەجۇزىندە يننو­ۆاتسيالىق ەكوجۇيەنى دامىتۋعا ىقپال ەتەتىن جاڭا ارىپتەستىك پەن باستا­ما­لاردىڭ نەگىزىن قالاۋ مۇمكىندىگى. بۇل ءىس-شارا جاڭا تەحنولوگيالاردى ەنگىزۋ مەن ىنتىماقتاستىققا جول اشىپ, ەلى­­مىزدىڭ جاھاندىق تسيفرلىق ەكونو­ميكاداعى ءرولىن نىعاي­تادى», دەدى تسيفرلىق دا­مۋ, يننوۆاتسيالار جانە اەرو­­­عارىش ونەركاسىبى ءمينيسترى جاسلان ماديەۆ,

«Kazakhstan Tech Solution Day» ءىس-شاراسىندا «01 Edu» مەن «01 Talent» جوبالارىنىڭ تەڭ قۇرىلتايشىسى نيكوليا ساديراك 200 000-نان استام IT-ماماندى وقىتۋ تاجىريبەسىن ءبولىسىپ, جاساندى ينتەللەكت داۋىرىندە وقىتۋ ادىستەرىن قايتا قاراۋ قاجەتتىگىن بايان­دادى. سونداي-اق ول ChatGPT-مەن بىرلەسىپ جازىلعان «جاساندى ينتەللەكت سەرفينگىنە دايىن­­دىق» اتتى كىتابىنىڭ تۇ­ساۋىن كەستى. مۇندا ءبىلىم بەرۋدە ادام مەن جاساندى زەردە اراسىنداعى تەپە-تەڭدىك ماسەلەسى زەرتتەلگەن.

«Astana Hub» قولداۋىمەن قازاق جانە ورىس تىلدەرىنە اۋدارىلعان كىتاپ قاتى­سۋ­­­شى­­لاردىڭ ۇلكەن قىزىعۋشىلىعىن تۋدىردى. سونىمەن قاتار نيكوليا ساديراك پانەل­دىك سەسسياعا قاتىسىپ, جاساندى ينتەل­لەكتىنىڭ قارقىندى دامۋ جاعدايىندا ءداس­تۇرلى وقىتۋ تاسىلدەرىن قايتا قاراۋ قا­جەتتىگىن اتاپ ءوتتى. ونىڭ ايتۋىنشا, ءداس­تۇرلى ءبىلىم بەرۋ جۇيەسى جاڭا نارىق تالاپتارىنا شۇعىل بەيىمدەلۋ كەرەك, ايتپەسە بۇل اقپاراتتىق تەحنولوگيالار مەن جي سا­لا­سىندا ماماندار تاپشىلىعىن تۋدىرادى.

ء«بىز تەحنولوگيالار وتە تەز وزگەرىپ جات­قان داۋىردە ءومىر ءسۇرىپ جاتىرمىز. IT-مامانداردى وقىتۋمەن 25 جىل بويى اينالىسىپ كەلەمىن. بۇرىن كومپانيالاردىڭ قاجەتتىلىكتەرىن ءتۇسىنۋ ءۇشىن وندىرىستىك زەرتتەۋلەر جۇرگىزەتىنبىز, سودان كەيىن سول تالاپ­تارعا ساي ينجەنەرلەردى دايىن­داۋعا تىرى­ساتىنبىز. وسى ۇدەرىس ادەتتە ءۇش جىل­دان بەس جىلعا دەيىن سوزىلاتىن. قازىر بۇل مۇمكىن ەمەس, ويتكەنى سۇرانىس جىلدام وزگەرىپ وتىرادى, بۇگىن قاجەت دۇنيە ەكى جىلدان كەيىن ماڭىزىن جوعالتادى. سون­دىق­تان وقىتۋعا دەگەن كوزقاراسىمىزدى تۇبە­گەي­لى قايتا قاراۋىمىز كەرەك», دەدى ول.