كوشپەلىلەر ويىندارى: بۇگىن ەل نامىسىن كىمدەر قورعايدى

ساعات 11.00-دە كوكپاردان قازاقستان ۇلتتىق قۇراماسى قىرعىزستان كومانداسىمەن كەزدەسىپ, التىن جۇلدەنى ساراپقا سالادى. ويىن «قازانات» يپپودرومىندا وتەدى. يپپودرومدا ساعات 16.30-دا كوك بورۇدەن قازاقستان مەن قىرعىزستان اراسىندا فينالدىق ماتچ وتەدى. ال يپپودروم ماڭىنداعى ەتنواۋىلدا ساعات 10.00-دە تەڭگە ىلۋدەن جارىس باستالادى. بەس بەلەس سايىسىنان بەكنۇر سەرىكوۆ ونەر كورسەتسە, ساعات 15.00-دە راحات كومباروۆ قوس قۇلاش سايىسى بويىنشا سىنعا تۇسەدى. ​ ەتنواۋىلدا ساعات 10.00-دە قۇسبەگىلەر جارىس جولىنا شىعادى. بۇركىت, قارشىعا جانە سۇڭقار سالۋ ىرىكتەۋ كەزەڭى مەن جارتىلاي فينال وتەدى. بۇركىت سالۋدان ەرزات بايقاداموۆ, سەرىكبەك كۇنتۋعان, ارمان قوشقاروۆ, ال قارشىعا سالۋدان داۋرەن ارشاباي, باعدات كەۋەنوۆ, قۇدايبەرگەن راۋيل ۇلى, ەرلان كەنجەتاەۆ, يتەلگى سالۋدان باقداۋلەت باباجان مەن يبراگيم بازارباەۆ سىنعا تۇسەدى. «ارعىماق» ات-سپورت كەشەنىندە ساعات 10.00-دە ءداستۇرلى ساداق اتۋدان كوماندالىق سايىستار باستاۋ الادى. قازاقستان نامىسىن 10 سپورتشى قورعايدى. ايەلدەر: دينارا جاقسىلىقوۆا, فاريزا سابىرجان, ايكوركەم باتيحان جانە اجار تولەۋقانوۆا. ەرلەر: ەربول تاپەنوۆ, باقبەرگەن ءسالىموۆ, قاسىمحان قانات, مارات بەكسۇلتان, ماقسات ابدىكەرىموۆ جانە جانىبەك قۇلمىرزاەۆ. جاقسىلىق ۇشكەمپىروۆ اتىنداعى جەكپە-جەك سارايىندا ساعات 10.00-دە تاتار حالقىنىڭ كونە ۇلتتىق بەلبەۋ كۇرەسى كورەشتەن ەرلەر اراسىندا ءتورت سالماق دارەجەسى بويىنشا جارىستار باستالادى. ەل نامىسىن ادىلەت شالعىنبەك ۇلى (64 كەلى), بەكنۇر بەكتاي (75 كەلى), ەرنار بايجىگىت (90 كەلى) جانە نۇرسۇلتان قوجاگەلدى ۇلى (+90 كەلى) قورعايدى. «الاۋ» مۇز سارايىندا ساعات 10.00-دە تۇرىك حالقىنىڭ ۇلتتىق كۇرەسى اشىرتمالى ابا گيۋرەشىنەن بەس سالماق دارەجەسى بويىنشا سپورتشىلار سىنعا تۇسەدى. ۇلتتىق قۇراما ساپىندا مارات نيگماتۋللاەۆ (60 كەلى), ادىلەت احمەتعالي (70 كەلى), ەرزات ارعىنوۆ (80 كەلى), ايدوس عالىموۆ (90 كەلى) جانە مۇحتار دالەلحان ۇلى (+90 كەلى) بوزكىلەمگە شىعادى. اشىرتمالى ابا گيۋرەشينە 19 مەملەكەتتەن 74 سپورتشى قاتىسادى. «الاۋ» مۇز سارايىندا ساعات 10.00-دە قىرعىز حالقىنىڭ ۇلتتىق ويىنى وردودان ىرىكتەۋ سىنى باستالادى. ەل نامىسىن نۇرجىگىت انۋاربەك ۇلى, نۇرقانات مولجىگىتوۆ, الماس قاراباەۆ, مۇحامبەتجان نۇرلان ۇلى, مىرزامۇرات كايىپبەكوۆ, ايبەك امانگەلدى ۇلى. تالعار ءابىلحان جانە سالمووربەك سۋباناليەۆ قورعايدى. وردوعا 7 مەملەكەتتەن 56 سپورتشى قاتىسادى. اقتىق كەزەڭ 13 قىركۇيەك كۇنى وتەدى. «دۋمان» قوناق ءۇي جانە سپورت كەشەنىندە ساعات 10.00-دە باتىس افريكا حالىقتارىنىڭ زياتكەرلىك وي̆ىنى وۆاريدەن سايىس باستالادى. وۆاريدەن ۇلتتىق قۇراما ساپىندا اسەل داليەۆا, اڭساعان قوجاناسىپ, سەرىك اقتاەۆ جانە ەرنۇر مەرەشەۆ بەكسۇلتان بوستاندىقوۆ, ەرسۇلتان اۋەلباي, ءمولدىر سەرىكقىزى جۇلدەگە تالاسادى.