جاقىندا وبلىس ورتالىعىندا قازاق پوەزياسىنىڭ كورنەكتى وكىلى دۋلات باباتاي ۇلىنىڭ ەسىمىن يەلەنگەن سەمەي جوعارى كوللەدجىندە ءبىلىم كۇنىنە ارنالعان ءىس-شارا ءوتتى. وعان ءبىلىم مەن عىلىم سالاسىنىڭ وكىلدەرى, ستۋدەنتتەر جانە اتا-انالار قاتىستى.
سەمەي جوعارى كوللەدجى – 26 جىلدان بەرى وڭىردە عانا ەمەس, ەلىمىزدىڭ تۇكپىر-تۇكپىرىندە ءارتۇرلى سالادا ەڭبەك ەتىپ جۇرگەن بىلىكتى مامانداردى تۇلەتىپ ۇشىرعان وقۋ ورىندارىنىڭ ءبىرى. 1998 جىلى ايماقتاعى العاشقى جەكەمەنشىك بولىپ ىرگەتاسىن قالاعان كوللەدج جاڭا وقۋ جىلىن بىرەگەي ىزدەنىستەرمەن باستاپ وتىر.
مادەني ءىس-شارا بارىسىندا ەل اقساقالدارى اراپ ەسپەنبەتوۆ, زەينوللا توقاەۆ, باسقا دا زيالى قاۋىم وكىلدەرى ايگىلى اقىن اتىنداعى ءبىلىم ۇجىمىنا ىزگى لەبىزدەرىن ارناپ, باتاسىن بەردى.
سوڭعى جىلدارى كاسىبي-تەحنيكالىق ماماندىقتارعا دەگەن سۇرانىس ارتىپ وتىر. ءبىر جاعىنان, بۇل مەملەكەت باسشىسىنىڭ تىكەلەي تاپسىرماسىنا سايكەس ەلىمىزدەگى كاسىپورىندارعا كورسەتىلىپ جاتقان قولداۋ دەپ بىلەمىز. بيىل اتالعان كوللەدجدە جۇمىسشى ماماندىعىنا 300-گە جۋىق گرانت بولىنگەن.
«بۇل وتكەن جىلدارداعى كورسەتكىشتەرمەن سالىستىرعاندا اناعۇرلىم كوپ. پرەزيدەنتتىڭ بيىلعى جولداۋىندا دا جۇمىسشى ماماندىعىنا ەرەكشە ماڭىز بەرىلدى. بۇعان ءبىز قاتتى قۋاندىق. قازىر قوعامداعى سۇرانىسقا يە ماماندىقتاردى يگەرۋگە ستۋدەنتتەرگە بارىنشا جاعداي جاسالعان. وسى جىلدان باستاپ كوللەدج ستۋدەنتتەرىنىڭ شاكىرتاقىسى دا ءوستى. بۇل – جۇمىسشى ماماندىعىندا وقيتىن جاستارعا كورسەتىلىپ وتىرعان ۇلكەن قولداۋ. قازىر ءبىز تەوريا مەن تاجىريبەنى ۇشتاستىرۋ ءۇشىن جەرگىلىكتى كاسىپورىندارمەن كەلىسسوز جۇرگىزىپ, مامانداردى بىرگە دايارلاۋدى جوسپارلاپ وتىرمىز», دەدى كوللەدج ديرەكتورى عافۋ بورانباەۆ.
اباي وبلىسى