ەلىمىزدە كوللەدجدەر بازاسىندا شاعىن كاسىپورىندار قۇرىلىپ جاتىر. اتالعان كاسىپورىندار ستۋدەنتتەردىڭ كاسىپكەرلىك, بيزنەس-جوسپارلاۋ جانە ستارتاپ جوبالاردى دامىتۋ بويىنشا ءبىلىم الۋىنا جاعداي جاساۋ ماقساتىندا اشىلماق.
وسى ارقىلى ەندى كوللەدجدەر ءوز بازاسىندا شىعارعان تاۋارلار مەن قىزمەتتەردەن تابىس تابا الادى. ستۋدەنتتەر جيھاز جاساۋ, تىگىن تىگۋ, كونديتەرلىك جانە نان-توقاش ونىمدەرىن ءپىسىرۋ سەكىلدى كاسىپتەردى يگەرە وتىرىپ, ونى كىرىس كوزىنە اينالدىرۋ داعدىلارىن دا مەڭگەرەدى.
تەحنيكالىق جانە كاسىپتىك ءبىلىم دەپارتامەنتى ديرەكتورى اسەت مۇحانبەتوۆ ماسەلەگە قاتىستى: «بۇل كاسىپورىندار ستۋدەنتتەرگە ءتۇرلى كاسىبي داعدىنى يگەرۋگە, ونىڭ ىشىندە كوممۋنيكاتسيا قۇرۋعا, جوبالاردى باسقارۋعا, ماركەتينگ جانە قارجى بويىنشا ءبىلىم الۋعا, ولاردىڭ العان ءبىلىمىن ءىس جۇزىندە قولدانۋعا مۇمكىندىك بەرەدى. شاعىن كاسىپورىندار ەسەبىنەن تۇسكەن قاراجات وقۋ ورىندارىنىڭ ماتەريالدىق-تەحنيكالىق بازاسىن نىعايتۋعا جۇمسالادى, بۇل ولاردىڭ دامۋىنا جانە ءبىلىم بەرۋ ساپاسىن ارتتىرۋعا ىقپال ەتەدى», دەپ اتاپ ءوتتى.
قازىرگى ۋاقىتتا تەحنيكالىق جانە كاسىپتىك ءبىلىم ۇيىمدارى بازاسىندا 26 شاعىن كاسىپورىن جۇمىس ىستەيدى. جىل سوڭىنا دەيىن تاعى 14 جاڭا كاسىپورىن اشۋ جوسپارلانىپ وتىر.