زەينەتكەرلەردى زار قاقساتقان قاسكۇنەم

ۇرلىق ءبىر ەمەس, بىر­نە­شە رەت قاي­تا­لانعان. جابىر­لەنۋ­شىلەردىڭ ءبىرىنىڭ ايتۋىن­شا, ول ءۇيدىڭ اۋلاسىندا وتىر­عان­­دا بەلگىسىز ادام وعان جا­قىن­­داپ, ءوزىن «سۋ ارناسىنىڭ» قىز­­مەتكەرى رەتىندە تانىستىرىپ, ەسەپتەگىشتەردى تەكسەرۋ كەرەك ەكەنىن ايتقان. ايەل ادام قىزمەتكەرگە سەنىپ, وعان پاتەرىنىڭ كىلتىن بەرگەن. الايدا كەيىنىرەك ۇيگە كەلگەندە زەرگەرلىك بۇيىمدارى بار قوراپتىڭ جوعالىپ كەتكەنىن بايقاعان. شىعىن سوماسى شامامەن ميلليون تەڭگەنى قۇرادى. ول – وسكەمەندەگى جالعان كوممۋنال قىزمەتكەرىنەن زارداپ شەككەن جال­عىز ادام ەمەس.

كەلەسى جولى كۇدىكتى ەلەكتريك رولىنە ەنىپ, 72 جاستاعى وبلىس ورتالىعى تۇرعىنىنىڭ ەسىگىن قاققان. ونىڭ ەسەپتەگىشتەرى مەن سىمدارىن تەكسەرىپ, قىزمەت اقىسىن سۇراعان. اڭگىمە اراسىندا اجەنى الاڭداتا وتىرىپ, ونىڭ 140 مىڭ تەڭگەسىن ۇرلاپ كەتكەن.

ءۇشىنشى جاعداي, 87 جاس­تاعى جابىر­لەنۋشىگە «كوم­مۋنال­دىق قىزمەتكەر» ونىڭ ەسەپ­تەگىش­تەرىندە اقاۋ تاپقانىن, ەگەر وعان 1 000 تەڭگە تولەسە, ول بۇل تۋرالى حابارلامايتى­نىن ايتقان. سويتە تۇرا, پاتەر­دەن شىعىپ بارا جاتىپ, زەينەت­كەردىڭ سومكەسىن ۇرلاپ كەتكەن. سومكەدە 25 مىڭ تەڭگە بولىپتى.

كوپ ۇزاماي, پوليتسەيلەر كۇدىكتىنى انىقتاپ, ۇستادى. ول بۇرىن ۇرلىق جاساعانى ءۇشىن بىرنەشە رەت سوتتى بول­عان 39 جاستاعى وسكەمەن قالا­سىنىڭ تۇرعىنى بولىپ شىق­تى. كۇدىكتىنىڭ ايتۋىنشا, ول قالانىڭ اۋلالارىندا ەگ­دە ادامداردى بايقاپ, كەيى­نى­رەك ونىڭ «قىزمەتتەرىنە» اقى تولەپ جاتقاندا, ولار قول­ما-قول اقشانى قايدا ساق­تاي­تىنىنا كوز جۇگىرتكەن. ايت­قانداي, ەر ادام ۇرلانعان زەر­گەرلىك بۇيىمداردى ساتىپ ۇلگەرگەن. كەيىن ونى پوليتسەيلەر تاركىلەگەن. قازىرگى ۋاقىتتا كۇدىكتى قاماۋعا الىندى. ءتارتىپ ساقشىلارى بۇرىن جاسالعان ۇقساس قىلمىستارعا قاتىستىلىعىن انىقتاپ جاتىر.

ءتارتىپ ساقشىلارى قالا تۇرعىندارىنان قىراعى بولۋدى جانە كۇدىكتى ادامداردى ۇيگە كىرگىزبەۋدى سۇرايدى. ال كوممۋنال­دىق قىزمەتكەرلەر­دەن قۇجاتتارىن سۇراۋعا قۇ­قى­لى. ەگەر كىمدە-كىم وسىنداي قىل­­مىس­تىق ارەكەتتەردەن زارداپ شەككەن بولسا, دەرەۋ «102» ارناسىنا حابارلاسۋلارى قاجەت.

وسكەمەن